Breaking News

[post-marguee]

[ays_poll id=7]

मेडिकव्हर हॉस्पिटल येथे ‘ओपन-हार्ट’ ला पर्यायी ‘ कीहोल बायपास सर्जरी’ यशस्वी

Feb 28, 2023

प्रतिनिधी : नाशिक कीहोल हार्ट सर्जरी ज्याला मिनिमली इनव्हेसिव्ह कार्डियाक सर्जरी (MICS ) असेही म्हणतात, ही एक प्रकारची हृदय शस्त्रक्रिया आहे जी पारंपारिक ओपन-हार्ट शस्त्रक्रियेऐवजी छातीत लहान चीरांद्वारे केली जाते . या प्रकारची शस्त्रक्रिया पारंपारिक शस्त्रक्रियेपेक्षा वेगळी तर आहेच परंतु यामुळे रुग्णाला अनेक फायदे होतात ,ज्यामध्ये कुठलेही हाड फ्रॅक्चर न होणे, शस्त्रक्रिये नंतर शरीरावर कोणताही व्रण न दिसणे , हॉस्पिटलमध्ये कमी काळ आणि कमी कालावधीत बरे होणे समाविष्ट आहे.
अशोका मेडिकव्हर हॉस्पिटलमध्ये यशस्वी कीहोल बायपास शस्त्रक्रिया झालेल्या श्री नागनाथ, वय ६५ वर्ष (गोपनीयतेसाठी नाव बदलले आहे). यांना त्यांच्या कोरोनरी धमन्यामध्ये अडथळा असल्याचे निदान होण्यापूर्वी अनेक महिने छातीत दुखणे आणि श्वासोच्छवासाचा त्रास होत होता. यामुळे त्यांनी अशोका मेडिकव्हर हॉस्पिटल चे वरिष्ठ कार्डिओलॉजिस्ट डॉ सुधीर शेतकर यांचा वैद्यकीय सल्ला घेण्याचे ठरवले. काही चाचण्या आणि अँजिओग्राफी केल्या नंतर असे निर्दशनास आले कि , हृदयाला रक्त पुरवठा करणाऱ्या मुख्य धमनी च्या तोंडाशी ब्लॉक आहेत. आणि अँजिओप्लास्टी ऐवजी रुग्णास बायपास सर्जरी करणे योग्य असेल असे सुचवले. रुग्णाला मेडिकव्हर हॉस्पिटल मधील अत्यंत अनुभवी मिनिमली इनव्हेसिव्ह कार्डियाक सर्जन डॉ मनीष पुराणिक यांच्या कडे रेफर करण्यात आले जे गुंतागुंतीची व अति जोखमीच्या हृदय शस्त्रक्रिया तज्ञ आहेत. ते छत्रपती संभाजी नगर (औरंगाबाद ) मेडिकव्हर हॉस्पिटल येथे मिनिमली इनव्हेसिव्ह कार्डियाक सर्जन म्हणून कार्यरत आहेत. अशा पद्धतीच्या शस्त्रक्रिया ते नित्य करतात.
डॉ. मनीष पुराणिक यांनी हि शस्त्रक्रिया कुठलेही हाड फ्रॅक्चर न करता किंवा पूर्ण छाती न उघडता दोन फासळ्यांमधून अगदी लहान चिर देऊन दुर्बिणीच्या साह्याने केली आहे. हि शस्त्रक्रिया अति प्रगत समजल्या जाणाऱ्या ऍनेस्थेशिया टेक्निक, रिजनल ऍनेस्थेशिया तसेच विशेष उपकरणांच्या मदती ने केली जाते. या पद्धतीने शस्त्रक्रियेमुळे कोरोनरी धमनी मधील अडथळे यशस्वीपणे दूर करण्यात आणि त्यांच्या हृदयात रक्त प्रवाह पूर्ववत करण्यासाठी बायपास ग्राफ्ट करण्यात यशस्वी झाले. या संपूर्ण प्रक्रियेला सुमारे तीन तास लागले. या पद्धतीच्या शस्त्रक्रियेमुळे रुग्णाला वेदनारहित शस्त्रक्रियेचा अनुभव घेता येतो. या पद्धतीने एक पासून 4 ते 5 ब्लॉक्स ची बायपास, हृदयातील छिद्र एक किव्वा दोन वाल्व बदलणे ई. हृदय शस्त्रक्रिया करणे शक्य आहे. अशी माहिती डॉ पुराणिक यांनी दिली. श्री नागनाथ यांना शस्त्रक्रियेनंतर दोन दिवस हॉस्पिटलच्या कार्डियाक केअर युनिटमध्ये निरीक्षणाखाली ठेवण्यात आले, त्यांची प्रकृती उत्तम व हृदयाची गती सुरळीत असल्याची खात्री झाल्यानंतर त्यांना शस्त्रक्रियेनंतर तीन दिवसांनी रुग्णालयातून सोडण्यात आले. त्यांना काही आठवडे दैनंदिन कामे सहजतेने घेण्याचा सल्ला देण्यात आला.
शस्त्रक्रियेनंतर सहा आठवड्यांनंतर त्यांच्या फॉलो-अप अपॉईंटमेंटमध्ये, श्री नागनाथ यांना खूप बरे वाटत असल्याचे सांगितले आणि लहान चीरांमधून कमीत कमी व्रण दिसत आसल्याने त्यांना आनंद झाला. डॉ. मनीष पुराणिक यांनी काही नियमित चाचण्या केल्या आणि श्री नागनाथ यांचे हृदय सामान्यपणे काम करत असल्याची पुष्टी केली.
एकंदरीत, श्री. नागनाथ कार्डियाक कीहोल शस्त्रक्रिया यशस्वी झाली आणि ते निरोगी हृदयासह आणि जीवनाच्या चांगल्या दर्जासह सामान्य व्यक्ती प्रमाणे दैनंदिन कामकाज करू लागले. या वेदनारहित कीहोल हृदय शस्त्रक्रियेचा लाभ जास्तीत जास्त रुग्णांनी करून घ्यावा असे आवाहन केंद्र प्रमुख समीर तुळजापूरकर यांनी केले.
________
अशोका मेडीकव्हर हॉस्पिटलमध्ये प्रशिक्षित तज्ञ डॉक्टरांकडून एकाच छताखाली योग्य ते निदान व उपचार केले जातात. ज्या रुग्णांना शस्त्रक्रिया किंवा हॉस्पिटलमध्ये दाखल होऊन औषधोपचारांची गरज असेल त्यांच्यासाठी तज्ञ डॉक्टरांच्या आणि उच्च शिक्षित वैद्यकीय स्टाफ च्या देखरेखेखाली उपचार केले जातात. आधुनिक सुखसोयी आणि तंत्रज्ञान यांचा जोड असलेले अशोका मेडिकव्हर हॉस्पिटल हे रुग्णांसाठी सर्वसमावेशक पर्याय म्हणून काम करत आहे
– डॉ सुशील पारख , मेडिकल डायरेक्टर तथा बालरोग तज्ञ् , अशोका मेडिकव्हर हॉस्पिटल, नाशिक)

अजून बातम्या वाचा..

म.सा. शिवजयंती उत्सव समिती तर्फे HAK हायस्कुल व ईकरा उर्दू गल्स हायस्कुल येथे निबंधस्पर्धेचे  पारितोषिक वितरण संपन्न

म.सा. शिवजयंती उत्सव समिती तर्फे HAK हायस्कुल व ईकरा उर्दू गल्स हायस्कुल येथे निबंधस्पर्धेचे पारितोषिक वितरण संपन्न

छत्रपती शिवाजी महाराज जयंती निमित्त मनमाड शहरात सार्वजनिक शिवजयंती उसत्व समिती तर्फे शहरात विविध...

read more
मा.आ.संजय पवार व दीपक गोगड यांची शिष्टाई: वंजारवाडी वि. का.सेवा सहकारी संस्थेची निवडणूक बिनविरोध

मा.आ.संजय पवार व दीपक गोगड यांची शिष्टाई: वंजारवाडी वि. का.सेवा सहकारी संस्थेची निवडणूक बिनविरोध

वंजारवाडी ता.नांदगाव येथील वंजारवाडी विविध कार्य.से. पतसंस्था मर्यादित या संस्थेच्या पंचवार्षिक...

read more
जे.टी.कासलीवाल इंग्लिश मिडीयम स्कूल मध्ये राष्ट्रीय विज्ञान दिन सोहळा मोठ्या उत्साहात संपन्न

जे.टी.कासलीवाल इंग्लिश मिडीयम स्कूल मध्ये राष्ट्रीय विज्ञान दिन सोहळा मोठ्या उत्साहात संपन्न

जे.टी.कासलीवाल इंग्लिश मिडीयम स्कूल मध्ये राष्ट्रीय विज्ञान दिन सोहळा मोठ्या उत्साहात सपन्न...

read more
स्वातंत्र्यवीर विनायक दामोदर सावरकर यांची 56 वी पुण्यतिथी निमित्य श्री परशुराम प्रतिष्ठान तर्फे त्यांना विनम्र अभिवादन

स्वातंत्र्यवीर विनायक दामोदर सावरकर यांची 56 वी पुण्यतिथी निमित्य श्री परशुराम प्रतिष्ठान तर्फे त्यांना विनम्र अभिवादन

काल रविवार रोजी चिंतामणी मंगल कार्यालय मनमाड येथे श्री परशुराम प्रतिष्ठान मनमाड तर्फे...

read more
सेंन्ट्रर रेल्वे मजदुर संघ कारखाना शाखा, मनमाड यांच्या तर्फे भव्य रक्तदान शिबीर आयोजित

सेंन्ट्रर रेल्वे मजदुर संघ कारखाना शाखा, मनमाड यांच्या तर्फे भव्य रक्तदान शिबीर आयोजित

सेंन्ट्रर रेल्वे मजदुर संघ कारखाना शाखा चे स्व.अनिल सुपेकर व स्व.चिंधु सांगळे यांच्या स्मरणार्थ...

read more
मनमाड सार्वजनिक वाचनालय मध्ये मराठी राजभाषा दिन आणि स्वातंत्र्यवीर सावरकर यांचे ५६ व्या पुण्यतिथी निमित्ताने अभिवादन

मनमाड सार्वजनिक वाचनालय मध्ये मराठी राजभाषा दिन आणि स्वातंत्र्यवीर सावरकर यांचे ५६ व्या पुण्यतिथी निमित्ताने अभिवादन

कोरोना च्या मोठया संकट काळातही वाचन चळवळ जोपासणाऱ्या व मनमाड शहराचे सांस्कृतिक वैभव असणाऱ्या आणि...

read more
[hsas-shortcode group="" speed="10" direction="left" gap="50"]