मराठा विद्या प्रसारक समाजाच्या कला, वाणिज्य व विज्ञान महाविद्यालय मनमाड येथे आज महिला दिनाच्या निमित्ताने राज्य कर निरीक्षक श्रीमती वंदना पगार यांचे महिला सशक्तीकरण यावर व्याख्यान आयोजित करण्यात आले. याप्रसंगी व्यासपीठावर महाविद्यालयाचे प्राचार्य डॉ डी डी गव्हाणे, अभिनव शाळेचे मुख्याध्यापक श्री वाघ सर, स्थानिक व्यवस्थापन समितीच्या महिला सदस्य श्रीमती दामले, बेग, इ. उपस्थित होत्या तर कार्यक्रमाच्या अध्यक्षस्थानी आदर्श इंग्लिश मिडीयम स्कूल च्या प्राचार्या श्रीमती पूनम मढे मॅडम या होत्या. महाविद्यालयाचे प्राचार्य डॉ डी डी गव्हाणे यांनी उपस्थीत मान्यवरांचे स्वागत केले व मतदानाच्या हक्कासाठी सुरू झालेल्या या चळवळीचे रूपांतर जागतिक महिला दिनात झाले. उपस्थित विद्यार्थिनी व महिलांना महिला दिनाच्या हार्दिक शुभेच्छा देण्यात आल्या.
राज्य लोकसेवा आयोगाच्या कर निरीक्षक या पदाला गवसणी घालत असताना वंदना पगार यांना काय अनुभव आले याचे कथन त्यांनी आपल्या मनोगतातून व्यक्त केले. याप्रसंगी सर्वच महिलांनी आपले मनोगत व्यक्त केले. अभिनव शाळेच्या श्रीमती झाल्टे मॅडम, कवडे मॅडम, ज्युनियर कॉलेज च्या कर्डेल मॅडम, भुरुक मॅडम, काकळीज मॅडम, आदर्श इंग्लिश मिडीयम स्कूल च्या शेलार मॅडम, शेळके मॅडम, धात्रक मॅडम आदी उपस्थित होत्या. कार्यक्रमाचे सूत्रसंचालन श्रीमती आहेर मॅडम यांनी केले तर आभार डॉ फापाले मॅडम यांनी मांडले.
