नांदगाव – सोमनाथ घोंगाणे
नांदगाव-चाळीसगांव दरम्यान पिंपरखेड ( नस्तनपुर ) येथील रेल्वे गेट जवळ रेल्वे इंजिनमध्ये तांत्रिक बिघाड झाल्याने रेल्वे मार्गावरील वाहतूक तब्बल अर्धा ते पाऊणतास काळ ठप्प झाली होती. तसेच गेटच्या दुतर्फा वाहनाच्या लांबच लांब रांगा लागल्या होत्या.
नांदगाव-चाळीसगांव दरम्यान पिंपरखेड ( नस्तनपूर ) येथील रेल्वे गेट जवळ रेल्वे इंजिनमध्ये दुपारी 12.30च्या दरम्यान तांत्रिक बिघाड झाल्यामुळे गेटच्या दुतर्फा लांबच लांब रांगा लागल्या होत्या. चाळीसगावहून ,नांदगाव , संभाजीनगरकडे या मार्गाने मोठी वाहतूक होत असते या मार्गावर खूप रहदारी असते. सध्या कन्नड घाटाचे काम चालू असल्याने या मार्गावर वाहतूक मोठ्या प्रमाणावर वाढल्याने वाहतूक ठप्प झाली होती.. रेल्वे गेटच्या दोन्ही बाजूला वाहने अडकून पडल्याने प्रवाशांना त्रास सहन करावा लागला. तसेच नांदगाव ला कांदा घेऊन जाणारे ट्रॅक्टर, पिकअप, शालेय बस, विद्यार्थी, नागरिक अशा अनेक प्रवाशांचे हाल झाले. दुचाकीस्वार रेल्वेपुलाच्या खालून नदीपात्रातून तर काही लोक जीव धोक्यात घालून पर्यायी मार्गाने वाहन काढून मार्गस्थ होत होते. तब्बल पाऊण -एक तासाने गेट उघडल्याने त्यात पुन्हा काही बेशिस्त चालकांची वाहने घुसवल्याने खोळंबा झाला होता.
