मनमाड कृषी उत्पन्न बाजार समितीच्या निवडणुकीत विजयी झालेल्या परिवर्तन पॅनलच्या उमेदवारांनी आज राज्याचे माजी उपमुख्यमंत्री छगन भुजबळ यांची मुंबई येथील कार्यालयात सदिच्छा भेट घेतली. यावेळी छगन भुजबळ यांनी सर्व विजयी उमेदवारांचे स्वागत करत त्यांचा सत्कार केला. शेतकरी हितासाठी बाजार समितीचा कारभार अतिशय पारदर्शक पद्धतीने करण्यात यावा अशा सूचना त्यांनी नवनियुक्त संचालकांना दिल्या.
या प्रसंगी माजी खासदार समीर भुजबळ, माजी आमदार पंकज भुजबळ, माजी आमदार संजय पवार, शिवसेना जिल्हाप्रमख गणेश धात्रक, राष्ट्रवादी शहराध्यक्ष दिपक गोगड, समाधान जेजुरकर यांच्यासह विजयी उमेदवार उपस्थित होते.
