पंधरा हजार रुपायांचा चेक बाऊंस झाल्याप्रकरणी पुण्यश्लोक अहिल्यादेवी होळकर नागरी सहकारी पतसंस्थेच्या कर्जदार कल्पना भाऊसाहेब नेमनार यांना न्यायालयाने दोन महिने कारावास आणि एक लाख रुपये दंडाची शिक्षा सुनावली आहे. या पतसंस्थेतून दहेगाव (ता. चांदवड) येथील कल्पना नेमनार यांनी वैयक्तिक कारणासाठी १५ हजार रुपयांचे कर्ज घेतले होते. त्या बदल्यात कर्जदार यांनी पतसंस्थेचे कर्ज भरण्यासाठी ५० हजार रुपयाचा धनादेश दिला होता. मात्र, दिलेला धनादेश पास न होता बाऊंस झाला. त्यामुळे प्रथमवर्ग न्यायदंडाधिकारी यांचे न्यायालयात फिर्याद दाखल केली होती. या प्रकरणात उभय बाजुंचा युक्तीवाद ऐकल्यानंतर मनमाडच्या न्यायदंडाधिकारी एस. ए. लोमटे यांनी कर्जदारास दोन महिने कारावास व एक लाख रुपये नुकसानभरपाईची शिक्षा ठोठावली. पतसंस्थेतर्फे अॅड. महेश प्रभाकर पाटील यांनी कामकाज पाहिले. पतसंस्थेचे व्यवस्थापक रामदास दत्तू दुभासे यांनी सहकार्य केले.
आरोग्य विभागाचा अनागोंदी कारभार, अगोदरच कर्मचारी संख्या कमी असतांना, आहे त्या कर्मचाऱ्यांच्या बदल्या
नांदगाव नांदगाव तालुक्यातील घाटमाथा या भागातील बोलठाण / जातेगाव येथील आरोग्य सेवेचा बोजवारा...
