नांदगाव सोमनाथ घोंगाणे
नांदगाव तालुक्यातील मांडवड व गिरणा नगरचे ग्रामविकास अधिकारी संतोष जाधव यांनी कर्तव्यात कसूर करुन गैरव्यवहार केला म्हणून त्यांचे निलंबन केल्याने पंचायत समिती व ग्रामपंचायत गोटात एकच खळबळ उडाली आहे .
नांदगांव तालुक्यातील मांडवड व गिरणा नगर येथील ग्रांमपंचायतचे ग्रामविकास अधिकारी संतोष मिठाराम जाधव यांनी कर्तव्यात कसूर केल्याचा अहवाल गटविकास अधिकारी गणेश चौधरी यांनी जिल्हा परिषदेच्या मुख्य कार्यकारी अधिकारी यांना सादर केलेला होता. या अहवालानुसार जाधव यांच्यावर दोषारोप ठेवण्यात आलेले आहेत. त्यानुसार जाधव यांचे निलंबन करण्यात आल्याचे पत्र मुख्यकार्यकारी अधिकारी नाशिक यांनी काढले असून तसे आदेश नांदगांव गटविकास अधिकारी यांना प्राप्त झाले आहेत.
याबाबत अधिक माहिती अशी की, जाधव यांनी कर्तव्यात असताना मांडवड येथील ग्रांमपंचायतीचे दप्तर तपासणीला उपलब्ध करुन न देणे,लेखा परीक्षणासाठी अभिलेखे उपलब्ध करुन न देणे,मांडवड आणि गिरणानगर येथे कामावर गैहजर राहणे, गिरणानगर ग्रामनिधी रु २,७८,८५२ आणि पाणी पुरवठा निधी रु ८८,३२२ असा एकुण रु ३,६७,१७४ चा तसेच १५ व्या वित्त आयोगा मध्ये रक्कम रु १,९१,८९८ चा अपहार करणे, प्रियाशाॅफ्ट मध्ये ई-ग्राम शाॅप्ट मध्ये माहिती न भरने , नमुना नं १ ते ३३ न ठेवने ,पंचायत समितीच्या मासिक सभेला हजर न राहणे, ग्रांमपंचायत मध्ये रक्कम रुपये १२,०६,५७२ संशयीत आणि रक्कम रु २७,९७५. कायमस्वरूपी अपहार करणे, कामात कसुर करुन हलगर्जीपणा करणे, कामकाजाचा अहवाल सादर न करणे, रक्कम नसतांना पंचायतसमितीला चेक देऊन कार्यालयाची फसवणुक करणे, मांडवड ग्रामचायतीचा रुपये २,३०,५६८ संशयीत अपहाराबाबद ,ग्रामविकास अधिकार्याने कर्तव्यात कसूर केली आहे. आदी दोषारोप असलेला अहवाल नांदगाव पंचायत समितीचे गटविकास अधिकारी यांनी जिल्हा परिषदेच्या मुख्य कार्यकारी अधिकारी यांना पाठवलेला होता. त्या आधारे जिल्हा परिषदेच्या मुख्य कार्यकारी अधिकाऱ्यांनी महाराष्ट्र जिल्हापरीषद सेवा/ वर्तणुक नियम १९६७ चे नियम ३ चा भंग केला आहे. महाराष्ट्र जिल्हापरीषद. जिल्हा सेवा (शिस्त व अपील) नियम १९६४ चे नियम ३(१)अ प्रमाणे जाधव यांना निलंबित केले असल्याचे आदेश काढले आहेत. या घटनेने तालुक्यातील काही ग्रामसेवकांचे कामाचे पित्तळ उघडे पडले आहे.
