मनमाड :- आमदार आपल्या दारी अंतर्गत आमदार सुहास आण्णा कांदे यांच्या स्वखर्चातून नागरीकांना मोफत आरोग्य सुविधा व शासकीय सुविधा उपलब्ध करून देण्यात येत आहे. याअंतर्गत गुरूवार दि. १५ जून रोजी सकाळी १० ते ५ या वेळेत भव्य शिबीराचे आयोजन महात्मा गांधी चौक मनमाड येथे करण्यात आले आहे. या अंतर्गत मोफत फिरता दवाखाना व मोफत शासकीय सुविधा देण्यात येणार आहेत. सर्व आजारांचे तज्ञ डॉक्टर्स उपस्थित राहून रूग्णांची तपासणी करतील. योग्य सल्ला व औषधे मोफत दिली जाणार आहेत. तसेच सर्व शासकीय योजना, रेशनकार्ड संबंधी सर्व अडचणी आणि इतर दाखले मोफत काढून दिले जाणार आहे. नागरीकांनी या सर्व उपक्रमांचा लाभ घ्यावा असे आवाहन आ. सुहास आण्णा कांदे व सौ. अंजूमताई सुहास कांदे यांनी केले आहे. निराधार योजनेचे लाभार्थी व त्याची कागदपत्रे आणि इतर दस्ताऐवज, उत्पन्न दाखला, डोमीसाईल, राष्ट्रीयत्व, नॉन क्रिमिलिअर, जातीचा दाखला आदी सर्व मोफत काढून देण्यात येणार आहेत. लाभार्थ्यांनी शिबीरात येतांना आवश्यक कागदपत्रे सोबत घेऊन यावे असे आवाहनही करण्यात आले आहे. याआधी मालेगांव रोड, किर्ती नगर व आनंद विहार भागात झालेल्या या कार्यक्रमास नागरीकांचा उत्स्फूर्त प्रतिसाद मिळाला आहे.
श्री निलमणी गणेश मंदीर सार्वजनिक ट्रस्ट संचलि, श्री निलमणी गणेश मंडळ मनमाड – लोकमान्य टिळकांना अभिप्रेत असणाऱ्या आदर्श सार्वजनिक गणेशोत्सवाचे यंदा 28 वे वर्ष
मनमाड - हिंदू संस्कृतीचे जतन व्हावे, समाजात जनजागृती होवून समाज संघटीत व्हावा, राष्ट्रभक्तीची...










