मनमाड – येथील बीसएनएल कंपनीच्या मालकीच्या रूममधून ४८ लहान बॅटऱ्या किंमत रूपये ४० हजाराचा ऐवज चोरीस गेल्याची घटना घडली. या प्रकरणी मनमाड पोलीस ठाण्यात जबरी चोरीचा गुन्हा दाखल करण्यात आला आहे. प्रणित अनिल देवरे (वय ३२) कनिष्ठ दूरसंचार अधिकारी बीएसएनएल मनमाड यांनी या घटनेची फिर्याद दिली आहे. ६ जून ते १२ जून या कालावधीत ही घटना घडली.
भारत संचार निगम कंपनीच्या मालकीच्या रूममधून दरवाजाचा कडी कोयंडा कापून अज्ञात चोराने आत प्रवेश केला. व रूममधील व्होडाफोन आयडीया कंपनीच्या तसेच अमरराजा कंपनीच्या ६०० ए. पावरच्या ४८ लहान बॅटऱ्या जुन्या वापरल्या असा ४० हजार रूपये किंमतीचा माल चोरीस गेल्याचे फिर्यादीत म्हटले आहे. शहर पोलीसांनी या प्रकरणी गुन्हा दाखल केला आहे.
