के. आरटी शाळेत राजमाता जिजाऊंना पुण्यतिथी निमित्त विनम्र अभिवादन

के आर टी शाळेत राजमाता जिजाऊ यांची पुण्यतिथी साजरी करण्यात आली. कार्यक्रमाच्या अध्यक्षस्थानी शाळेचे प्राचार्य मुकेश मिसर, उपप्राचार्य वैभव कुलकर्णी मुख्याध्यापक दिपक व्यवहारे, विश्वस्त धनंजय निंभोरकर उपस्थित होते. शाळेचे प्राचार्य मुकेश मिसर यांच्या हस्ते जिजाऊंच्या प्रतिमेला पुष्पहार अर्पण करण्यात आला. समृद्धी सचिन भाबड व चैतन्य शरद जोगदंड या दोघांनी सुंदर अशी माहिती व विचार मांडले.छत्रपती शिवाजी महाराज यांना ज्ञान, चारित्र्य,चातुर्य, संघटन आणि पराक्रमाचे बाळकडू देणाऱ्या राजमाता जिजाऊ यांची पुण्यतिथी 17 जुन रोजी असते. जिजाऊंचा जन्म १२ जानेवारी १५९८ मध्ये सिंदखेड जवळील देऊळगाव येथे झाला होता. मराठा साम्राज्याच्या संस्थापक. म्हणून देखील त्यांचे नाव आग्रहाने घेतले जाते. जिजामाता यांच्यावर अत्यंत कमी वयात कौटुंबिक जबाबदारी पडली होती. विशेष म्हणजे ज्या वयात बाहुल्यांचा खेळ मांडून संसाराची तालीम करण्यात मुलं दंग असतात- या वयात जिजाऊ तलवारीची मूठ घट्ट पकडण्यात दंग होत्या, अशा थोर माता जिजाऊंना माझा
मानाचा मुजरा : कार्यक्रमाचे सुत्रसंचालन अपेक्षा मनोज पगारे हिने केले, या विद्यार्थीना वैशाली शेजवळ यांचे अनमोल असे मागदर्शन मिळाले.