महाराष्ट्र क्रिकेट आसोसिएशन द्वारा जिल्हास्तरीय सामण्यातुन निवड झालेल्या खेळाडु व संघामध्ये अंडर 16 सुपरलीग
ही स्पर्धा पुण्यात रंगत आहे. महाराष्ट्र संघात स्थान मिळवण्यासाठी ह्या सामण्यांमध्ये सर्व संघ व खेळाडु जोरदार प्रयत्न करत आहे. या स्पर्धेत भुमी क्रिकेट अकॅडमीतील खेळाडु रुषी शर्मा महाराष्ट्र क्रिकेट असोसिएशनचा संघ प्रेसिडेंट इलेव्हन या संघाकडून निवडला गेला. सुपरलीग स्पर्धेतील आपल्या पहिल्या व स्पर्धेतील दुसर्या सामन्यात रुषीने पुण्यातील सी एन ए अंडर 16 संघाविरुद्ध खेळताना 10 विकेट मिळवल्या. 2 दिवसाच्या या कसोटी सामण्यात रुषीने पहिल्या डावात 3.5 षटकामध्ये 4 धावा देत 4 विकेट मिळवले ज्यात 2 निर्धाव षटके होती तसेच दुसर्या डावात 13.3 षटकात 27 धावा खर्च करुन 6 विकेट मिळवले ज्यात 5 निर्धाव षटके रुषीने केले. गोलंदाजीच्या या जोरदार जोरावर प्रेसिडेंट इलेव्हन संघ हा सामना 2 धावा व एक डाव राखुन सहजरित्या जिंकला.
या उल्लेखनीय कामगिरीसाठी मनमाडच्या या खेळाडुला मॅन ऑफ द मॅच ( सामनावीर ) चा पुरस्कार मिळाला. महाराष्ट्र संघात स्थान मिळवण्यासाठी रुषी शर्माला अशाच प्रकारच्या प्रदर्शनाची गरज पुढिल होणाऱ्या सामण्यातही आहे.
मनमाड शहरातुन सातत्याने रूषी शर्मा हा जिल्हा संघासाठी खेळत आहे व प्रथमच सुपरलीग सारख्या मोठ्या स्पर्धेत खेळण्याचा मान त्याला मिळाला आहे. रुषीच्या चांगल्या कामगीरिसाठी सर्वाकडुन शुभेच्छा देण्यात येत आहेत. या कामगिरीसाठी रुषीचे प्रशिक्षक श्री. सिध्दार्थ ( भोला ) रोकडे यांचे मार्गदर्शन त्याला लाभत आहे.
भुमी क्रिकेट अकॅडमी मनमाड चे आधारस्तंभ श्री. ईरफान मोमीन , मार्गदर्शक मा. राजाभाऊ पगारे , गणेश धात्रक , श्रेणिक बरडिया , तय्यबभाई शेख , हबीब शेख , सिध्दार्थ बरडिया , परवेज शेख , कौशल शर्मा , सनी फसाटे , परेश राऊत , जावेद ( मुन्ना ) सर , मनोज ठोंबरे सर , सनी अरोरा सर , नितीन अहिरराव तसेच संचालक वाल्मीक रोकडे व सिध्दार्थ ( भोला ) रोकडे यांच्या तर्फे रुषी शर्मा यांचे अभिनंदन करुन पुढिल होणार्या सामण्यांसाठी शुभेच्छा देण्यात आल्या.
