नंदु ढिलोर नाशिक प्रतिनिधी नाशिक रोड जेल रोड :- ब्लूबेल इंग्लिश मीडियम स्कूल मध्ये आषाढी एकादशी अतिशय जल्लोष व आनंदी वातावरणात साजरी झाली. छोट्या बाळ गोपाळ वारकऱ्यांनी टाळ मृदंगाच्या गजरामध्ये भक्ती भावाने भजन कीर्तन केले तसेच शिक्षिका स्नेहल भुसारे यांनी आषाढी एकादशी बद्दल महत्वपूर्ण माहिती दिली त्यानंतर शाळेचे मुख्याध्यापक श्री अमोल कदम यांनी विठुरायाची आरती करत मिरवणुकीला सुरुवात केली.
विठुरायाची पालखी चे प्रमुख आकर्षण म्हणजे छोटे वारकरी वेशातील विद्यार्थ्यांची पायी वारी परिक्रमा व विठुरायाच्या वेशभूषेतील विठ्ठल रुक्मिणी, संत तुकाराम, संत ज्ञानेश्वर, संत एकनाथ, जनाई व विविध वेशभूषा परिधान केलेले विद्यार्थी हे परिसरातील नागरिकांचे लक्ष वेधी ठरले.
विठू नामाच्या जय घोषात नारायण बापू नगर येथे आषाढी रिंगण सोहळा पार पडला शाळेचे विद्यार्थी लेझीम पथक, झेंडा पथक, यांनी विठुरायाच्या पालखीला रिंगण घातले, विद्यार्थिनींनी फुगडी चा आनंद लुटला परसरातील अनेक नागरिकांनी हा उत्साह पाण्यास एकच गर्दी केली.
कार्यक्रमाचे सांगता श्री अमोल कदम मुख्याध्यापक ब्लूबेल इंग्लिश मीडियम स्कूल यांनी सर्व विद्यार्थ्यांचे कौतुक करत त्यांना मार्गदर्शन केले.
सदर कार्यक्रमाचे सन्माननीय मुख्याध्यापक श्री अमोल कदम सरांच्या मार्गदर्शनाखाली आषाढी एकादशी सोहळा आनंदात पार पडला तसेच सर्व शिक्षक वृंद व शिक्षकेतर कर्मचारी यांचे देखील अतिशय मोलाचे सहकार्य लाभले.
