नांदगाव सोमनाथ घोंगाणे
शेतकऱ्यांनी आपल्या शेती पिकांची ई- पीक पाहणी आपल्या मोबाईल अँप च्या मदतीने आपल्या ७/१२ उताऱ्यावर विविध पीकांची नोंदणी करता येणे शक्य झाले असून शेतकरी बांधवानी आपल्या पीकांची नोदं करूण घ्यावे असे आवाहन नांदगाव चे तहसिलदार डॉ. सिद्वार्थ मोरे यांनी केले आहे.
महसुल विभागाचा ई = पीक पाहणी प्रकल्प १५ ऑगष्ट २०२१ पासून राबविण्यात येत आहे .या अँपद्वारे आतापर्यत १. ८८ कोटीपेक्षा अधिक शेतकऱ्यांनी रजिस्टेशन केलेले आहे.
खरीप हंगाम २०२३ पीक पाहणी नोंदणी साठी ई- पीक पाहणीचे २. ० . ११ हे अपडेटेड व्हर्जन प्ले स्टोअरवर उपलब्ध करून देण्यात आलेले आहे. तरी सर्व खातेदार शेतकऱ्यांनी नवीन गुगल व्हर्जन अपडेट करून घेणे आवश्यक आहे. खरीप हंगामाच्या प्रत्यक्ष ई- पीक पाहणी मोबाईल अँपद्वारे पीक पाहणी मोबाईल अँप द्धारे नोंद करण्यासाठी १ जुलै २०२३ पासून सुरु करण्यात आली आहे . तरी तालुक्यातील सर्व शेतकरी बांधवानी खरीप हंगाम २०२३ साठी दिलेल्या कालावधी मध्ये आपली पीक पाहणी नोंदणी पूर्ण करावी जेणेकरून शासनाच्या विविध योजनांचा लाभ घेण्यास अडचण येणार नाही.
