मनमाड महाविद्यालयात जागतिक लोकसंख्या दिन संपन्न

महात्मा गांधी विद्यामंदिर संचलित कला, विज्ञान व वाणिज्य महाविद्यालय, मनमाड येथे महाविद्यालयाचे प्राचार्य डॉ. एस. एन. निकम सर यांच्या मार्गदर्शनाखाली भूगोल विभाग, एन.सी.सी. विभाग व स्पर्धा परीक्षा विभाग यांच्या संयुक्त विद्यमानाने जागतिक लोकसंख्या दिन साजरा करण्यात आला. या कार्यक्रमासाठी प्रमुख व्याख्याते म्हणून महिलारत्न पुष्पाताई हिरे महिला महाविद्यालय मालेगाव येथील प्राध्यापक डॉ. डी. ए.पवार हे उपस्थित होते.याप्रसंगी त्यांनी विद्यार्थ्यांना सखोल असे मार्गदर्शन केले. याप्रसंगी मनोगतातून त्यांनी विद्यार्थ्यांना मार्गदर्शन करतांना खंडानुसार, देशनिहाय, व राज्यानुसार जगाची, देशांची व राज्यांची लोकसंख्या कशा पद्धतीने वाढत गेली याची इत्यंभूत आकडेवारी त्यांनी आपल्या मनोगतातून सांगितली. जन्मदर,मृत्युदर, कुटुंब नियोजन याविषयी सविस्तर असे मार्गदर्शन त्यांनी केले तसेच महाविद्यालयाचे प्राचार्य डॉ. एस. एन. निकम यांनी आपल्या अध्यक्षीय मनोगतातून मानव एक साधन- संपत्ती या दृष्टिकोनातून बघणे गरजेचे असून ज्या पद्धतीने लोकसंख्येच्या बाबतीत भारत जगात एक नंबरचा देश आहेत त्याच पद्धतीने विकासामध्ये सुद्धा आजच्या तरुण पिढीने मोलाचे सहकार्य करून आपल्या देशाला महासत्ता बनवण्यासाठी प्रयत्न करावेत असे मार्गदर्शन याप्रसंगी केले. कार्यक्रमाचे प्रास्ताविक करतांना भूगोल विभाग प्रमुख प्राध्यापक डी. व्ही. सोनवणे यांनी जागतिक लोकसंख्या दिन का साजरा केला जातो ? हा मूळ उद्देश स्पष्ट केला. कार्यक्रमाचे सूत्रसंचालन प्राध्यापक डॉ. गणेश गांगुर्डे यांनी केले तर आभार प्रदर्शन भूगोल विभागातील प्रा.प्रकाश बर्डे यांनी केले तसेच प्राध्यापक जनार्दन गावित व प्राध्यापिका विजया सोनवणे यांचे मोलाचे सहकार्य लाभले. याप्रसंगी महाविद्यालय उपप्राचार्य प्राध्यापक डॉ. जी. एल. शेंडगे, महाविद्यालयाचे शैक्षणिक पर्यवेक्षक प्राध्यापक रोहित शिंदे, नॅक समन्वयक प्राध्यापक डॉ. मिलिंद अहिरे, हिंदी विभाग प्रमुख प्राध्यापक जे.वाय. इंगळे प्राध्यापक डॉ. विष्णू राठोड, इंग्रजी विभाग प्रमुख प्राध्यापिका कविता काखंडकी मॅडम तसेच याप्रसंगी महाविद्यालयातील सर्व प्राध्यापक वृंद, शिक्षकेत्तर कर्मचारी व विद्यार्थी वर्ग उपस्थित होते.