महात्मा गांधी विद्यामंदिर संचलित कला, विज्ञान व वाणिज्य महाविद्यालय, मनमाड मधील माजी विद्यार्थी कु. जाधव सागर साहेबराव यांची महाराष्ट्र लोकसेवा आयोगामार्फत घेण्यात आलेल्या महसूल सहाय्यक पदासाठी परीक्षेत महाराष्ट्रातून 47 वी रँक प्राप्त झाली. ही महाविद्यालयाच्या दृष्टीने व संस्थेच्या दृष्टीने अतिशय गौरवाची बाब आहेत. सागर या विद्यार्थ्याने महाविद्यालयातून 2015 या वर्षी इंग्रजी या विषयातून पदवी प्राप्त केली आहे. महाविद्यालयात असतानाच स्पर्धा परीक्षेची पूर्वतयारी करण्याची आवड तयार झाली होती. कु.जाधव सागर साहेबराव हा विद्यार्थी चांदवड तालुक्यातील वडगाव पंगु या गावातील असून वडील हे शेती व्यवसाय करतात. घरची परिस्थिती अतिशय गरिबीची असल्याकारणाने सागर या विद्यार्थ्याने पुणे या ठिकाणी एक वर्ष क्लास करून परत आपल्या मूळ गावी येऊन घरीच सलग दोन वर्षे अभ्यास करून या पदाला गवसणी घातली. महाविद्यालय मार्फत कु.जाधव सागर या विद्यार्थ्यांचा महाविद्यालयाचे प्राचार्य डॉ. सुभाष निकम सर यांनी शाल, श्रीफळ व पुष्पगुच्छ देऊन सत्कार करण्यात आला तसेच यापुढेही न थांबता राज्यसेवा परीक्षा देऊन वरील पदावरती नियुक्ती होण्याची अपेक्षा व्यक्त केली. याप्रसंगी महाविद्यालयातील स्पर्धा परीक्षा समन्वयक प्राध्यापक डाॅ. गणेश गांगुर्डे, उपप्राचार्य प्राध्यापक डॉ. जी. एल. शेंडगे, महाविद्यालयाचे शैक्षणिक पर्यवेक्षक प्राध्यापक रोहित शिंदे, नॅक समन्वयक प्राध्यापक डॉ. मिलिंद अहिरे,इंग्रजी विभाग प्रमुख प्राध्यापिका कविता काखंडकी मॅडम, प्राणीशास्त्र विभाग प्रमुख प्राध्यापक जे.डी.वसाईत, प्रा.प्रकाश बर्डे, प्राध्यापक एम.डी. आहिरे तसेच याप्रसंगी महाविद्यालयातील सर्व प्राध्यापक वृंद, शिक्षकेत्तर कर्मचारी व विद्यार्थी वर्ग उपस्थित होते.
श्री निलमणी गणेश मंदीर सार्वजनिक ट्रस्ट तर्फे गरीब रुग्णांना मोफत सेवेसाठी रुपये 1,09,000/- किंमतीचे विक्रमी शिल्लक औषधं संकलन ➖️सेवा भारती (जनकल्याण समिती ) कडे सुपूर्द
मनमाड - मनमाड शहरात धार्मिक, सांस्कृतिक, पर्यावरण ,सामाजिक व शैक्षणिक आरोग्य सेवा क्षेत्रात सन...
