मनमाड – येथील सेंट झेवियर हायस्कूलमध्ये नवनिर्वाचित शाळा नायक नायिका विद्यार्थी, क्रीडा प्रमुख विद्यार्थी, गटप्रमुख उपगटप्रमुख , शिस्तीचे मॉनिटर्स आदींचा पदग्रहण व शपथविधीचा सोहळा नुकता संपन्न झाला. यावेळी निवडलेल्या विद्यार्थ्यांना शाळेचे माननीय मुख्याध्यापक फादर माल्कम व क्रीडा शिक्षक श्री सुधाकर कातकडे यांनी पदाची व कर्तव्याची शपथ दिली. कार्यक्रमाचे सूत्रसंचालन श्री स्वप्नील बाकळे यांनी केले तर आभार प्रदर्शन सौ लीना जाधव यांनी केले. याप्रसंगी व्यासपीठावर शाळेचे माननीय मुख्याध्यापक फादर माल्कम, माननीय पर्यवेक्षिका सिस्टर जोत्स्ना, मनमाड धर्मग्रामाचे प्रमुख फादर साहाय्यराज, त्याचप्रमाणे फादर लॉईड व शाळेतील चारही गटाचे गटप्रमुख शिक्षक शिक्षिका उपस्थित होते. यावेळी माननीय मुख्याध्यापक फादर माल्कम व फादर साहाय्यराज यांनी समायोजित भाषणे करून नवनिर्वाचित विद्यार्थी प्रमुखांना शुभेच्छा दिल्यात. व्यासपीठावरील सर्व मान्यवरांनी आपल्या शुभ हस्ते नवनिर्वाचित विद्यार्थ्यांना बॅजेश व स्लॅसेस दिले.
