नांदगाव – सोमनाथ घोंगाणे
येथील जे .टी. कासलीवाल इंग्लिश मीडियम स्कूल मध्ये नुकतीच शालेय मंत्रिमंडळाची निवडणूक आधुनिक पध्दतीने घेण्यात आली. आधुनिक ऑनलाईन पद्धतीने मतदान करून शालेय मंत्रिमंडळ स्थापन करण्यात आले.
भारत हा जगामध्ये सर्वात मोठा लोकशाही असलेला प्रजासत्ताक देश आहे आपण गावापासून ते देशापर्यंतचा कारभार पाहण्यासाठी जनतेतून लोकप्रतिनिधी निवडून देण्याची प्रक्रिया राबवीत असतो अगदी अशाच पद्धतीची निवडणूक प्रक्रिया जे. टी. कासलीवाल इंग्लिश मीडियम स्कूल मध्येही शालेय मंत्रिमंडळ प्रस्थापित करण्यासाठी वापरण्यात आली. वेगवेगळ्या पदांसाठी शालेय विद्यार्थी रिंगणात उभे होते. यावेळी निवडणूक रिंगणात उभ्या असलेल्या विद्यार्थी प्रतिनिधींचा उत्साह अवर्णनीय होता. तसेच मतदान करणाऱ्या विद्यार्थी व शाळेतील सर्व शिक्षकही उत्सुकतेने या प्रक्रियेत सहभागी झाले होते.
संस्थेचे चेअरमन सुनीलकुमार कासलीवाल व सेक्रेटरी विजय चोपडा,जुगलकिशोरअग्रवाल , रिखबचंद कासलीवाल, महेंद्र चांदीवाल,सुशील कासलीवाल, प्रशासन अधिकारी प्रकाश गुप्ता क.मा.कासलीवाल माध्यमिक विद्यालयाचे मुख्याध्यापक शरद पवार, प्राचार्य मणी चावला, शिक्षक यांनी मतदान कक्षामध्ये स्वतः उपस्थित राहून रेबीन कटकरून मतदान करत मतदानास सुरुवात केली. सदरील निवडणूक शांततेत पार पाडण्यासाठी केंद्राध्यक्ष म्हणून शाळेतील शिक्षक सुदर्शन चोळके, वासुदेव आहेर, रोशनी मॅडम यांनी काम पाहिले. शेवटी क्लोज बटन दाबून मतदान प्रक्रिया संपली. निवडणूक निर्णय अधिकारी म्हणून शाळेचे मुख्याध्यापक श्री. मनी चावला सर उमेदवारासमक्ष निकाल जाहीर केला.
त्या मध्ये असे झाले खाते वाटप,शालेय मंञिमंडळ हेडबाॅय-यश शिंदे, हेड गर्ल- अनुष्का पगार , डेप्यूटी हेड बॉय- सार्थक, डेप्यूटी हेड गर्ल- गुण कवडे यांची नियुक्ती करण्यात आली. तर होम मिनिस्टर, कल्चरल मिनिस्टर स्पोर्ट मिनिस्टर ,लिटरेरी मिनिस्टर ,डिसिप्लिन मिनिस्टर, हाऊस कॅप्टन (रेड ,ग्रीन ,येल्लो ,ब्ल्यू) या पदांवरही निवडून आलेल्या विद्यार्थ्यांची नियुक्ती करण्यात आली व त्यांना त्यांच्या जबाबदा-या समजावून सांगण्यात आल्या.
सर्व निवडणूक प्रक्रिया पार पाडण्यासाठी प्रा.मणी चावला यांच्या अध्यक्षतेखाली शाळेतील सर्व शिक्षक व शिक्षकेतर कर्मचारी यांनी परिश्रम घेतले.
