चांदवड
तालुक्यातील वाकी बुद्रुक गावाच्या परिसरात शुक्रवारी (दि. २८) मोकाट कुत्र्यांनी मोरावर हल्ला करून जखमी केले होते. या जखमी मोराला पोलिसपाटील रत्ना पोळ व सामाजिक कार्यकर्ते भागवत झाल्टे यांनी पाणी पाजल्याने मोर शुद्धीवर आला. त्यानंतर मोर पुन्हा वनात उडून गेला. चांदवड शहर व तालुक्यातील गावांमध्ये मोकाट कुत्र्यांच्या संख्येत कमालीची वाढ झाली आहे. हे कुत्रे रस्त्याने जाणाऱ्या येणाऱ्या – नागरिकांवर हल्ले करीत आहेत. आता तर या कुत्र्यांनी मोर, गाय यांच्यावर हल्ले करणे सुरू केले आहे. यामुळे तालुक्यातील मोकाट कुत्र्यांचा
प्रशासनाने त्वरित बंदोबस्त करण्याची मागणी झाल्टे यांनी केली आहे.
मनमाड वासीयांना सुखद बातमी : शहरात उभारले जाणार तीन जलकुंभ तर करंजवण येथील जॅकवेल चे १५ मीटर काम पूर्णत्वाकडे
मनमाड शहरासाठी जीवनदायी ठरणारी करंजवण योजनेचे काम प्रगतीपथावर असून करंजवण धरणातील पाणीसाठ्यात वाढ...
