उपक्रमशील शाळा पुरस्कार दरेगाव येथील जि.प.प्राथमिक शाळेस प्रदान

दरेगाव(प्रतिनिधी )-
महाराष्ट्र राज्य प्राथमिक शिक्षक समितीच्या वतीने दिला जाणारा उपक्रमशील शाळा हा पुरस्कार येथील जिल्हा परिषद प्राथमिक शाळेसआज समितीच्या त्रैवार्षिक अधिवेशनात प्रदान करण्यात आला.
चांदवड तालुक्यातून निवड झालेली हि एकमेव शाळा असून गेल्या तीन वर्षात शाळेने अनेक उपक्रम राबवून नाविण्यपूर्ण प्रकल्प आयोजित केले आहेत.भाषा संगणक प्रयोगशाळा,विज्ञान प्रयोगशाळा ,वृक्षारोपण व क्रीडापुरक वातावरण निर्मिती शाळेत केली आहे.स्वच्छता व विद्यार्थी गुणवत्ता इ.बाबतही भरीव कार्य केले आहे.
हा पुरस्कार राज्यनेते श्री.काळूजी बोरसे पाटील ,राज्याध्यक्ष श्री.विजय कोंबे,सरचिटणीस श्री.राजन कोरगावकर,राज्य नेते श्री.उदय शिंदे ,जिल्हा अध्यक्ष श्री.आनंदा कांदळकर ,जि.प.चे उपमुख्यकार्यकारी अधिकारी श्री.रविंद्र परदेशी,शिक्षणाधिकारी श्री.नितीन बच्छाव इ.मान्यवरांच्या हस्ते हा पुरस्कार नाशिक येथील इंदू लाॕन्सच्या आर्चिड हाॕल येथे प्रदान करण्यात आला.
शाळेच्या वतीने हा पुरस्कार सरपंच सौ.सरला पवार,शालेय व्यवस्थापन समितीच्या अध्यक्षा सौ.नूतन पगार ,सदस्य श्री.प्रवीण देवरे,पत्रकार श्री.विक्रम देवरे,श्री.दत्तूभाऊ गांगुर्डे,श्री.जालींदर पवार व मुख्याध्यापक श्री.जनार्दन देवरे,उपशिक्षक श्री.बाळू सावंत,श्री.दीपककुमार निकम,श्री.रमेश राऊत यांनी स्विकाराला.
शाळेच्या या यशाबद्दल पालक व ग्रामस्थांनी शाळेचे अभिनंदन केले आहे.