मनमाड महाविद्यालयात वाणिज्य मंडळाचे उद्घाटन संपन्न

मनमाड: महात्मा गांधी विद्यामंदीर संचलित, कला, विज्ञान व वाणिज्य महाविद्यालय मनमाड येथे वाणिज्य मंडळाच्या उद्घाटन समारंभाचे अध्यक्ष महाविद्यालयाचे प्राचार्य डॉ. सुभाष निकम होते . त्यांनी आपल्या मनोगतातून वाणिज्य शाखेचे महत्व विद्यार्थ्यांना समजून सांगितले, प्रमुख पाहुणे मा.अजित बेदमुथा, एन.आर ब्रदर्सचे संचालक यांनी वाणिज्य मंडळाचे उद्घाटन जाहीर केले. व आपल्या मनोगतातून विद्यार्थ्यांना करिअर आणि संधी याविषयी सविस्तर माहिती दिली. दुसरे पाहुणे म्हणून सीए राजेंद्र दागनी सर पुणे यांनी अकाउंटिंग अँड टॅक्सेशनसाठी
लागणाऱे कौशल्य आणि त्या आधारित कोर्स बाबत सविस्तर माहिती दिली. तिसरे प्रमुख पाहुणे स्टेट बँक ऑफ इंडिया शाखा व्यवस्थापक मनमाड श्रीमती जान्हावी सेन मॅडम यांनी डीजीटीलायझेशन ऑफ बँकिंग ऑनलाईन याविषयी विद्यार्थ्यांना मार्गदर्शन केले. महाविद्यालय विकास समितीचे सदस्य डॉ.आर.डी.भोसले सर
यांनी वाणिज्य मंडळाचे उद्देश व योगदान आपल्या मनोगतातून स्पष्ट केले.कार्यक्रमाचे सूत्रसंचालन प्रा.सुनील मुसळे, प्रास्ताविक वाणिज्य विभाग प्रमुख डॉ. एस डी थोरे, तर आभार प्रदर्शन प्रा. समाधान सूर्यवंशी यांनी केले .हा कार्यक्रम यशस्वी होण्यासाठी डॉ . आरती छाजेड आणि डॉ.व्ही.एस नजरधने सर यांनी परिश्रम घेतले. या कार्यक्रमासाठी वरिष्ठ महाविद्यालयाचे उपप्राचार्य, कुलसचिव, महाविद्यालयातील प्राध्यापक, कर्मचारी व विद्यार्थी उपस्थित होते.