मनमाड महाविद्यालयात विशाखा समितीच्या वतीने आरोग्य संपदा योजनेअंतर्गत व्याख्यान संपन्न

मनमाड,ता.२१: येथील महात्मा गांधी विद्यामंदिर संचलित कला, वाणिज्य व विज्ञान महाविद्यालयात विशाखा समिती व नाशिक जिल्ह्य गायनिक असोसिएशन यांच्या संयुक्त विद्यमाने ‘मुलींचा शारीरिक विकास, पीसीओडी व कॅन्सर या विषयावर शहरातील सुप्रसिद्ध प्रथितयश स्त्रीरोग तज्ञ डॉ. सोनाली गौरव पाटील यांच्या उपस्थितीत आरोग्य संपदा या योजनेअंतर्गत व्याख्यान संपन्न झाले.
महाविद्यालयाचे प्राचार्य डॉक्टर सुभाष निकम यांच्या मार्गदर्शनाखाली व अध्यक्षतेखाली कार्यक्रम संपन्न झाला. डॉक्टर सोनाली पाटील यांनी आपल्या व्याख्यानात बदलती जीवनशैली व त्यामुळे निर्माण होणाऱ्या स्त्रियांच्या आरोग्य समस्या यावर चर्चा केली.त्याचबरोबर त्यांनी आहार व व्यायाम याबाबतीत गंभीर्याने विचार करावा असा सल्ला दिला महाराष्ट्रात स्त्रियांचे गर्भाशय मुखाचे कॅन्सर व स्तनांच्या कॅन्सरचे प्रमाण झपाट्याने वाढत चालले आहे. यासाठी स्त्रियांनी योग्य ती काळजी घेणे गरजेचे आहे असे आग्रहाने सांगितले. पीसीओडी चे वाढते प्रमाण हे स्त्रियांच्या दृष्टीने अतिशय वाईट व घातक गोष्ट आहे त्यासाठी वेळोवेळी वैद्यकीय मदत व सल्ला घ्यावा . या याप्रसंगी त्यांनी पॉवरपॉईंट सादरीकरण करून अतिशय मौलिक असे आरोग्य विषयक मार्गदर्शन केले व पीसीओडी व कॅन्सर ची माहिती विद्यार्थिनींपर्यंत उत्कृष्टरित्या पोहोचवली. महाविद्यालयाचे प्राचीन डॉक्टर सुभाष निकम यांनी आपल्या अध्यक्षीय मनोगतात विद्यार्थिनींना उत्तम जीवन जगण्यासाठी योग्य आहार व व्यायामाची गरज आहे व त्याचबरोबर पुढील येणारी पिढी सुदृढ निर्माण करणे यासाठी मुलींनी योग्य ती खबरदारी घेणे गरजेचे आहे .मोबाईल मुळे आपले आरोग्य व करियर यावर घातक परिणाम होऊ नये यासाठी योग्य ती काळजी घेणे अतिशय गरजेचे आहे असे निक्षून सांगितले. विशाखा समितीच्या अध्यक्षा प्रा. कविता का खंडकी यांनी प्रास्ताविक केले. डॉ. आरती छाजेड यांनी पाहुण्यांचा परिचय व सूत्रसंचालन केले प्रा.अलका नागरे यांनी आभार प्रदर्शित केले. विशाखा समितीच्या सर्व सदस्यांनी सक्रिय सहभाग नोंदवला प्रा. गणेश गांगुर्डे प्रा. गणेश जावळे प्रा. संदीप ढमाले प्रा. गावित व कुलसचिव श्री समाधान केदारे यांनी कार्यक्रमाच्या आयोजनासाठी मोलाचे सहकार्य केले.