के आर टी शाळेत हिवाळी क्रीडा महोत्सवाला सुरुवात

मनमाड – येथील कवि रबिंद्रनाथ टागोर इंग्लिश मिडीयम स्कूलच्या हिवाळी क्रीडा महोत्सव २०२३ चे उद्घाटन संस्थेचे अध्यक्ष आणि हायस्कूल व ज्यु. कॉलेजचे प्राचार्य श्री. मुकेश बी. मिसर यांच्या हस्ते शाळेच्या प्रांगणात दिमाखदार पध्दतीने पार पडले. २१ ते २३ डिसेंबर या कालावधीत पार पडणा-या ३ दिवसीय क्रीडा महोत्सवाचे उद्घाटन प्रसंगी संस्थेचे श्री. वैभव कुलकर्णी, प्राथमिकचे मुख्याध्यापक श्री. दिपक व्यवहारे, धनंजय निंभोरकर हे उपस्थित होते.

प्रमुख पाहुणे श्री. मुकेश मिसर यांचे शाळा व संस्थेच्यावतीने स्वागत करण्यात आले. प्रमुख पाहुणे श्री. मुकेश मिसर यांचा परिचय श्री. दिपक व्यवहारे यांनी करून दिला.

कार्यक्रमाची सुरूवात मागील वर्षाच्या हेडबॉय-हेडगर्ल तसेच चारही गटाचे गटप्रमुख यांच्या दमदार संचलनाने झाली. त्यानंतर चालू शैक्षणिक वर्षातील नवनियुक्त हेडबॉय-हेडगर्ल व गटप्रमुखांचा शपथविधी व आधिकारग्रहण समारंभ पार पडला व नवनियुक्त हेडबॉय साई सुभाष कराड व हेडगर्ल कु. सई संतोष झाल्टे यांनी आपले मनोगत व्यक्त केले. क्रीडाक्षेत्रात तालुका आणि जिल्हास्तरीय पातळीवर कामगिरी करणाऱ्या खेळाडूंनी मशाल दौड पूर्ण करून मशाल प्रमुख पाहुणे श्री. मुकेश मिसर यांच्याकडे सोपवली. त्यांनी मुख्य मशाल प्रज्वलीत करून क्रीडा महोत्सवाचे तसेच नारळ वाढवून व क्लॅपर वाजवून मैदानी खेळाचे उद्घाटनही केले.

शाळेमध्ये अत्यंत नियोजनबध्द पध्दतीने राबविल्या जाणाऱ्या या तीन दिवसीय क्रीडामहोत्सवाचे काटेकोर नियोजन व विविध स्पर्धांचे आयोजन सर्व शिक्षक तसेच क्रीडाशिक्षक विशाल झाल्टे व क्रीडाशिक्षिका सौ. मनिषा आव्हाड यांच्या सहकार्याने करण्यात आलेले आहे. तसेच मागील १ महिन्यापासून विदयार्थ्यांना गटनिहाय मैदानी खेळांचा सरावाची संधी देण्यात आलेली आहे. त्यामुळे ४ ही गटात विविध स्पर्धा प्रकारात बाजी मारून गटसम्राट चे मानचिन्ह जिंकण्याची स्पर्धा सुरू झालेली आहे.

हेडबॉय, हेडगर्ल व चारही गटप्रमुखांच्या शपथविधी व आधिकारग्रहण समारंभाचे संचलन शाळेच्या शिक्षिका सौ. रूपाली निंभोरकर यांनी केले.

आभार प्रदर्शन कु. सई संतोष झाल्टे या विदयार्थिनीने केले.

कार्यक्रमाचे यशस्वी नियोजन करण्यासाठी संस्थेचे जनरल सेक्रेटरी श्री. वैभव कुलकर्णी, प्राथमिकचे मुख्याध्यापक श्री. दिपक व्यवहारे, श्री. धनंजय निंभोरकर यांचे सहकार्य लाभले. कार्यक्रम यशस्वीरित्या पार पाडण्यासाठी श्री. मनोज छाबडा, किशोर माळी, तुषार चौधरी, श्री. गणेश लहाने, डॉ. प्रदीप साळी यांचे मार्गदर्शन तसेच सर्व शिक्षक व शिक्षकेतर कर्मचारी यांचे सहकार्य लाभले.