संपूर्ण देशवासी आतूरतेने ज्या क्षणाची वाट पाहत आहे त्या रामललाच्या प्राणप्रतिष्ठेच्या निमीत्त देशभरात विविध कार्यक्रमांचे आयोजन केले जात आहे.त्याला अनुसरूनच एफ. सी. आय रोड परिसरातील श्री शिद्धीविनायक मंदिर, श्री हनुमान मंदिर आणि संतोषी माता मंदिर यांच्या विद्यमाने विविध धार्मिक कार्यक्रमांचे आयोजन १४ जाने ते २२ जानेवारी या कालावधीत आयोजित करण्यात आले आहे. यात शहरातील विविध भजनी मंडळ वेदिका महिला मंडळ, सिधीविनायक महिला मैडळ, गुजराथी महिला मंडळ, विठ्ठल मंदिर महिला मंडळ, दत्तोपासक भजनी मंडळ आदींचे भजन ठेवण्यात आले आहे तसेच १६ जाने २४ मंगळवार रोजी सुंदरकांड पाठ होणार आहे. व २० जाने २४ला हनुमान मंदिर भक्त मंडळ तर्फे भजन संध्याचे आयोजन करण्यात आले आहे.
२२ जाने. रोजी प्रभुरामचंद्रांची पालखी सिद्धिविनायक मंदिर येथून सुरू होऊन हनुमान मंदिर येथे समारोप होईल. दुपारी १२ वाजता हनुमान मंदिरात महाआरती होऊन नंतर महाप्रसाद वितरण करण्यात येणार आहे. तर दि. १४ जाने ते दि. २२ जाने. या काळात एफ. सी. आय रोड. येथील मंदिर तर्फे कार्यक्रमाचे आयोजन करण्यात आले असून समस्त नागरिकांनी जास्तीत जास्त संख्येने या कार्यक्रमाला उपस्थित राहून आनंद साजरा करावा असे आवाहन आयोजकांनी केले आहे.
