मनमाड इंधन बचाव ही काळाची गरज असून पुढच्या पिढीसाठी इंधन साठा राहील, हा विचार करून इंधनाचा जाणीवपूर्वक व विचारपूर्वक काटकसरीने करावा असे प्रतिपादन लेखक व पत्रकार संदीप देशपांडे यांनी मंगळवारी केले. येथील महाराष्ट्र राज्य परिवहन महामंडळाच्या नाशिक विभागीय इंधन बचत कार्यक्रम मनमाड येथे .१६ जानेवारी ते १५ फेब्रुवारी २०२४ दरम्यान होत आहे. या कार्यक्रमाचे उदघाटन संदीप देशपांडे यांच्या हस्ते फीत कापून करण्यात आले. यावेळी आपल्या अभ्यासपूर्ण भाषणात प्रा देशपांडे यांनी इंधनाचे विविध प्रकार, त्याच्या साठ्याची स्थिती याची माहिती देऊन पेट्रोल,डिझेल वाचविण्यासाठी कोणते उपाय योजावेत,हे स्पष्ट केले. बस चालक ,वाहक कशी जागरुकता पाळू शकतात ,हे त्यांनी विविध उदाहरणावरून पटवून दिले. या मासिक काळात इंधन बचत कार्यक्रमाचे उदघाटन नुकतेच नांदगाव डेपो आगारात पार पडले. यावेळी एस टी डेपोचे अधिकारी वाटाणे ,विजय शेळके उपस्थित होते . नांदगाव आगारातील सर्व कर्मचारी वर्गाचे त्यांनी कौतुक केले. यावेळी आगार अधिकारी तसेच डेपोतील वाहक, चालक ,मॅकॅनिक कर्मचारी, सर्व बस वाहक,चालक मोठ्या संख्येने उपस्थित होते.
