मनमाड – मनमाड इंदूर महामार्गावर मालेगावरोडवर चोंढी घाटाजवळ एरंडगाव फाट्याजवळ एका अवघड वळणावर भरधाव बसने कांदे घेऊन जाणाऱ्या ट्रॅक्टरला पाठीमागून धडक दिल्याने झालेल्या भीषण अपघातात कानडगाव अजय राघो बिडगर हा ट्रॅक्टर चालक जागीच ठार झाला तर बसमधील ७ प्रवासी जखमी झाले आहे.
मनमाडहून ही बस नंदुरबारकड़े जात असतांना सकाळच्या सुमारास हा अपघात झाला. अपघातामुळे काही काळ वाहतूक ठप्प झाली होती. स्थानिकांच्या मदतीने जखमींना उपचारासाठी मालेगावच्या खाजगी रुग्णालयात हलविण्यात आले आहे.
या रस्त्यावर नेहमी अपघात होत असतात. घाट असल्यामुळे ब-याच वेळ वाहनचालकांना अंदाज येत नाही. या ठिकणी भरधाव वेगाने गाडी चालवणे धोक्याचे असून चालक वाहनांची वेग मर्यादा राखत नसल्यामुळे अनेक अपघात होत आहेत.
