नांदगाव (प्रतिनिधी) दिंडोरी लोकसभा मतदार संघातील नांदगाव – ११३ विधानसभा सभा मतदार संघ येत्या २० में रोजी होत असलेल्या दिंडोरी मतदार संघ निवडणुकीसाठी मतदान यंत्रणा सज्ज झाली आहे. यात ३३१ मतदान केंद्रांची निर्मिती केली आहे. त्यापैकी साकोरा आणि न्यु.इंग्लिश स्कूल नांदगाव येथे महिलांसाठी मतदान केंद्र राहाणारे आहे. नांदगाव तालुक्यात एकुण ३,३२,५१२ मतदार आहे. त्यात पुरुष
१,७४,४३४ तर महिला १,५८,०७५ आणि अन्य ३ मतदार आहेत. मतदारांनी आपला मतदानाचा हक्क बजवावा याकरीता प्रशासनाच्या वतीने विविध उपक्रमांच्या माध्यमातून जनजागृती केली आहे. मतदान केंद्राच्या ठिकाणी पाळणाघरासाठी आरोग्य सेविका यांची नियुक्ती करण्यात आली आहे.
एका बुथवरील कर्मचारी
यानिवडणुक प्रक्रियेसाठी १,९८६ कर्मचारी नियुक्त करण्यात आले आहे.कर्मचाऱ्यांचे प्रशिक्षण झाले असुन आज ३३१ केंद्रावर कर्मचारी मतदान साहित्य घेऊन मतदान केंद्रावर जाण्यासाठी सज्ज झाले आहे.त्यासाठी ईव्हीएम मशीन, मतदान अधिकारी,सेवक यांना केंद्रावर पोहचविण्यासाठी ३९ बसेस सह ७२ खाजगी वाहने आरक्षित करण्यात आले आहे. नांदगाव विधानसभा मतदारसंघातील लोकसभा निवडणूक तयारी पूर्ण झाली असून आज कर्मचारी आपापल्या मतदान केंद्रावर जाण्यासाठी सज्ज झाले आहेत. तालुक्यात उष्णता जास्त असल्यामुळे त्यापासून संरक्षण होण्यासाठी आवश्यक ठिकाणी मंडप व्यवस्था केली आहे तसेच पिण्याच्या पाण्याची व्यवस्था करण्यात आली आहे.
नांदगाव तहसील कार्यालय, मुख्य निवडणूक साहित्य वाटप केंद्र
निवडणूक मुक्त वातावरणात पार पाडण्यासाठी प्रशासनाने काळजी घेतली आहे. मतदारांनी आपल्या मतदानाचा हक्क बजवावा असे आवाहन निवडणूक अधिकारी उपजिल्हाधिकारी सुनिता चव्हाण, तहसीलदार सुनील सौदाणे, नांदगाव मुख्याधिकारी विवेक धांडे व इतर अधिकारी यांनी केले आहे.
