मनमाड -येथील सेंट झेवियर हायस्कूलमध्ये लोकमान्य टिळक यांची पुण्यतिथी व लोकशाहीर अण्णाभाऊ साठे यांची जयंती निमित्त अभिवादनाचा कार्यक्रम संपन्न झाला. याप्रसंगी कार्यक्रमाच्या अध्यक्षस्थानी शाळेचे पर्यवेक्षक अनिल निकाळे सर होते. त्यांच्या समवेत शाळेचे मुख्याध्यापक फादर माल्कम नातो , उपमुख्याध्यापिका सिस्टर ज्योत्सना , कुमारी अनुष्का केदारे व कुमारी जान्हवी सांगळे आदी मान्यवर व्यासपीठावर उपस्थित होते. कार्यक्रमाच्या सुरुवातीला मान्यवरांच्या हस्ते लोकमान्य टिळक व लोकशाहीर आण्णाभाऊ साठे यांच्या प्रतिमेस पुष्पहार अर्पण करून त्यांना अभिवादन करण्यात आले. त्यानंतर कुमारी अनुष्का केदारे हिने आपल्या भाषणातून लोकमान्य टिळकांच्या जीवन कार्याबद्दल माहिती दिली तर जान्हवी सांगळे हिने लोकशाहीर आण्णाभाऊ साठे यांच्या साहित्याबद्दल आपल्या भाषणातून विद्यार्थ्यांना माहिती दिली. कार्यक्रमाचे अध्यक्ष अनिल निकाळे सर यांनी लोकमान्य टिळकांचे ‘स्वातंत्र्य लढ्यातील योगदान’ या विषयी तर अण्णाभाऊ साठे यांच्या सामाजिक व साहित्यिक कार्याची ओळख आपल्या भाषणातून विद्यार्थ्यांना करून दिली. आभार प्रदर्शन चंद्रशेखर चव्हाण या विद्यार्थ्याने केले. तर कार्यक्रमाचे सूत्रसंचालन श्रद्धा मुकुंद झाल्टे हिने केले.
एच.ए.के.हायस्कूल अँड ज्यु. कॉलेज, मनमाड मध्ये क्रांतीसूर्य महात्मा ज्योतिबा फुले जयंती साजरी. मनमाड:- एच.ए.के.हायस्कूल अँड ज्यु. कॉलेज,मनमाड मध्ये क्रांतीसूर्य,महान समाज सुधारक महात्मा ज्योतिबा फुले जयंती साजरी करण्यात आली.शाळेचे मुख्याध्यापक भूषण दशरथ शेवाळे यांच्या हस्ते महात्मा ज्योतिबा फुले यांच्या प्रतिमेला पुष्पहार अर्पण करून अभिवादन करण्यात आले.यावेळी शाळेतील शिक्षक व शिक्षिका कर्मचारी उपस्थित होते.उपशिक्षिका सविता सचिन कराड यांनी महात्मा ज्योतिबा फुले यांच्या जीवन कार्यांची माहिती दिली. शाळेचे मुख्याध्यापक भूषण शेवाळे व संस्थेच्या सदस्या आयशा सलीम गाजियानी यांचे मार्गदर्शन लाभले.
एच.ए.के.हायस्कूल अँड ज्यु. कॉलेज, मनमाड मध्ये क्रांतीसूर्य महात्मा ज्योतिबा फुले जयंती साजरी....
