मनमाड : एच.ए.के.हायस्कूल अँड ज्यु.कॉलेज मध्ये संस्थेचे अध्यक्ष हाजी मोहम्मद सलीम अहमद गाजीयानी यांच्या वाढदिवसाचे औचित्य साधून त्यांच्या हस्ते क्रीडा ज्योत प्रज्वलीत करुन वार्षिक क्रीडा महोत्सवास प्रारंभ करण्यात आला. संस्थेच्या सदस्या आयशा मो.सलीम गाजीयानी, यांच्या मार्गदर्शनाखाली खेळाडू विद्यार्थ्यांकडून क्रीडा ज्योत दौड करून क्रीडा महोत्सवाची सुरुवात करण्यात आली. संस्थेच्या सचिव हज्जन सायराबानो मो.सलीम गाजीयानी, सदस्य अब्दुल करीम मो.सलीम गाजीयानी, सादीकभाई पठाण उपस्थित होते. संस्थेचे अध्यक्ष हाजी मोहम्मद सलीम अहमद गाजीयानी यांनी उपस्थित सहभागी विद्यार्थ्यांना खेळाचे महत्व सांगितले व स्पर्धेसाठी शुभेच्छा दिल्या. मुख्याध्यापक भुषण शेवाळे, पर्यवेक्षक अन्सारी शाहीद अख्तर शब्बीर अहमद, शेख आरीफ कासम यांनी स्वागत केले. या क्रीडा महोत्सवामध्ये क्रिकेट, फुटबॉल,कबड्डी, संगित खुर्ची, बॉल रेस, आटा गोली, रिंग रेस,रिले रेस,बॉल पासिंग द पास, लिंबु चमचा, थैला रेस, लंगडी, खो-खो, डॉच बॉल, बलून रेस, रस्सा खेच, थ्रो बॉल, बॉल पासिंग, स्लो सायकल, रिले रेस, अशा विविध खेळांच्या स्पर्धा घेण्यात आल्या. तसेच मेहंदी स्पर्धा, चित्रकला स्पर्धा, रांगोळी स्पर्धा घेण्यात आल्या विद्यार्थ्यांनी मोठ्या संख्येने सहभाग घेतला. तसेच शिक्षक व शिक्षकेतर कर्मचा-यांसाठी रस्सा खेच, क्रिकेट, संगीत खुर्ची स्पर्धा घेण्यात आली. तसेच खरी कमाई अंतर्गत विदयार्थ्यांनी विविध प्रकारच्या खाद्य पदार्थांची दुकाने लावून त्यांचा अनुभव घेतला.
क्रीडा स्पर्धेतील व मेहंदी, रांगोळी,चित्रकला स्पर्धेतील विजेत्या खेळाडूंना प्रमाणपत्र व मेडल देऊन गौरविण्यात आले.
