नुकत्याच पार पडलेल्या मनमाड नगर परिषदेच्या सार्वत्रिक निवडणुकीत आमदार सुहास कांदे यांच्या नेतृत्वाखालील शिवसेना भाजप रिपाई महायुतीच्या पॅनलने मनमाड नगर परिषदेवर निर्विवाद सत्ता मिळवली.
सत्ताधारी गटातर्फे महेंद्र शिरसाठ यांची तर शिवसेना उद्धव बाळासाहेब ठाकरे गटातर्फे सौ.सुजाता प्रवीण नाईक यांची गटनेतेपदी नियुक्ती करण्यात आली आहे. आता आज दि.13 जानेवारी रोजी मनमाड नगरपालिकेतील उपनगराध्यक्ष व स्वीकृत नगरसेवक निवडीसाठी विशेष बैठक आयोजित करण्यात आलेली आहे.
आमदार सुहास कांदे यांच्या पॅनलने एकतर्फी सत्ता मिळवलेली असल्यामुळे ते उपनगराध्यक्ष पदाची माळ कोणाच्या गळ्यात टाकतात व स्वीकृत नगरसेवक साठी कोणाची वर्णी लागते, याकडे संपूर्ण मनमाडकरांचे लक्ष लागले आहे.
