मराठी भाषा गौरव दिनानिमिताने कार्यक्रम
मनमाड(प्रतिनिधी)- मनमाड साहित्य संघाने आयोजित केलेल्या काव्यस्पर्धेची
अंतिम फेरी व पारितोषिक वितरण समारंभ येत्या शुक्रवारी मराठी भाषा गौरव दिनी २७/ फेब्रुवारी /२०२६रोजी सायं.५-०० वा. सितालक्ष्मी हॉल, छत्रे न्यू इंग्लिश स्कूल, मनमाड येथे संपन्न होणार असून मनमाड साहित्य संघाचे अध्यक्ष मा.प्राचार्य श्री. सदाशिव सुतार यांचे अध्यक्षतेखाली संपन्न होणाऱ्या या कार्यक्रमात २०० विद्यार्थ्यांमधून प्राथमिक फेरीतून अंतिम फेरीत निवड करण्यात आलेले मनमाड शहरातील विविध शाळांतील १४ बाल-कुमार कवी-कवयित्री आपल्या कविता सादर करतील. त्यातून पाच बाल-कुमार कवी-कवयित्रींना रोख रक्कम, स्मृतीचिन्ह व गौरवपत्र मान्यवर पाहुण्यांचा हस्ते दिले जाणार आहे.
या कार्यक्रमास अंतिम फेरीसाठी निवड झालेले विद्यार्थी, शाळेचे काव्यस्पर्धा समन्वयक शिक्षक,मान्यवर मुख्याध्यापक व पालक यांनी वेळेत उपस्थित रहावे असे आवाहन मनमाड साहित्य संघाने केले आहे.
शहरातील सर्वच माध्यमिक शाळांतील विद्यार्थ्यांनी या स्पर्धेत उत्स्फूर्त प्रतिसाद दिला असून मनमाड शहरातील साहित्यिक चळवळीस या उपक्रमामुळे गती मिळेल व विद्यार्थामधील सृजनशीलता वाढीस लागेल अशी अपेक्षा साहित्य-रसिक वर्तुळातून व्यक्त होत आहे.
