अनकवाडे शिवारात अज्ञात वाहनाच्या धडकेत बिबट्या ठार…

मनमाड -येवला महामार्गावर अनकवाडे गावाजवळ वाहनाच्या धडकेत बिबट्या ठार झाल्याची घटना आज शनिवारी पहाटेच्या सुमारास घडली.

गस्त घालत असलेल्या पोलिसांना ही बाब निदर्शनास येताच त्यांनी वनविभागाला घटनेची माहिती दिली. वन विभागाच्या अधिकारी व कर्मचाऱ्यांनी तत्काळ घटनास्थळी धाव घेत मृत बिबट्याचे शव विच्छेदन करून त्यास निफाड रोपवाटिकेत पाठविले.

सदर बिबट्या अंदाजे 6 ते 7 वर्ष वयाच्या नर जातीचा असून रस्ता ओलांडताना ही दुर्घटना घडली असल्याचा अंदाज वनविभागाने वर्तविला आहे.