मनमाड येथील सेंट झेवियर हायस्कूल मध्ये जागतिक महिला दिन मोठ्या उत्साहात संपन्न झाला. याप्रसंगी आयोजित कार्यक्रमात व्यासपीठावर शाळेच्या माननीय उपमुख्याध्यापिका सिस्टर ज्योत्सना,तर प्रमुख पाहुणे (वक्ते) म्हणून शाळेचे पर्यवेक्षक श्री अनिल निकाळे सर उपस्थित होते. यावेळी पर्यवेक्षक श्री अनिल निकाळे सर यांनी व्यासपीठावर उपस्थित असणाऱ्या सर्व शिक्षिकांना गुलाब पुष्प देऊन सन्मान प्रगट केला तसेच आपल्या भाषणातून समाजातील महिलांचे महत्व सांगून महिला दिनाच्या शुभेच्छा दिल्यात. श्री अशोक गायकवाड सर यांनी स्त्रियांची महती गायनातून सादर केली तर इयत्ता आठवी नववीच्या विद्यार्थ्यीनींनी भारतातील ऐतिहासिक व सामाजिक क्षेत्रातील थोर आदर्श स्त्रीयांच्या वेशभूषेत येऊन त्यांचे प्रेरणादायी विचार प्रभावीपणे सादर केलेत. या कार्यक्रमाचे सूत्रसंचालन कुमारी मोहिनी जगताप हिने केले कुमारी स्वामिनी काकडे व रुद्र इंगळे यांनी आपल्या भाषणात ना महिलांचे कौटुंबिक महत्त्व सांगितले. आभार प्रदर्शन कुमारी सुप्रिया सानप हिने केले.
