गणेश उत्सवाच्या पार्श्वभूमीवर मनमाड नगर परिषद प्रशासनाकडून शहरात विविध नागरी सुविधा सुरळीत ठेवण्यासाठी जय्यत तयारी करण्यात येत आहे. गणेशोत्सव काळात नागरिकांना कोणतीही गैरसोय होऊ नये, यासाठी स्वच्छता, पाणीपुरवठा, दिवाबत्ती तसेच आरोग्य विभागाच्या माध्यमातून आवश्यक उपाययोजना करण्यात येत आहेत. असे आवाहन मुख्यधिकारी शेषराव चौधरी, नगराध्यक्ष योगेश पाटील यांनी केले.
शहरातील गणेश मंडप परिसर, प्रमुख रस्ते व सार्वजनिक ठिकाणी नियमित स्वच्छता करण्यात येणार असून कचरा संकलनासाठी विशेष व्यवस्था करण्यात आली आहे. गणेश विसर्जनाच्या ठिकाणीही आवश्यक सुविधा उपलब्ध करून देण्याचे नियोजन पालिका प्रशासनाने केले आहे.
गणेशोत्सव शांततेत व उत्साहात पार पडावा यासाठी पालिका प्रशासन सज्ज असून नागरिकांनीही स्वच्छता राखून प्रशासनाला सहकार्य करण्याचे आवाहन करण्यात आले आहे.
