सात समुद्रापार अनिवासी भारतीय भक्ताकडून शिर्डीच्या साई बाबांना चांदीची छत्र अर्पण
अमेरिकेतील फलोरिडा येथील अनिवासी भक्त चंद्रशेखर काममामेडू यांनी अहिल्यानगर जिल्ह्यातील सुप्रसिद्ध शिर्डीच्या साईबाबांच्या चरणी सुमारे १८ लाख रुपये मूल्याचे सुवर्ण-रजत छत्र अर्पण केले आहे. मंगळवारी हे नवे छत्र साईबाबांच्या मूर्तीवर लावण्यात आले. या छत्राच्या निर्मितीची जबाबदारी कोपरगावचे ‘विसपुते सराफ’ यांच्याकडे सोपवण्यात आली होती. या पेढीचे संचालक यश विसपुते यांनी या कामासाठी नाशिकचे नामांकित सुवर्ण कारागीर इंदर सोनी यांची निवड केली होती.
तांत्रिक व कलात्मक तपशील
८.९३३ किलो
वजनाची
शुद्ध चांदी
२५० ग्रॅम
शुद्ध सोन्याचा
मुलामा
१० दिवस
सलग मेहनत
करून निर्मिती
सातासमुद्रापलीकडची अथांग श्रद्धा
आपल्या आयुष्यातील यश, समृद्धी आणि प्रगती ही केवळ साईबाबांच्याच कृपेमुळे असल्याची चंद्रशेखर काममामेडू यांची गाढ श्रद्धा आहे. याच श्रद्धेतून त्यांनी हे अमूल्य छत्र साईबाबांच्या चरणी समर्पित केले.
