देशाचे पंतप्रधान नरेंद्र मोदी यांच्या वाढदिवसानिमित्त भारतीय जनता पक्षाच्या वतीने सेवा संकल्प अभियानाचे आयोजन करण्यात आले आहे. त्या निमित्त व भाजपा प्रदेशाध्यक्ष रविंद्र चव्हाण यांच्या वाढदिवसानिमित्त भारतीय जनता पक्षाच्या वतीने मनमाड जवळील आश्रमशाळेतील विद्यार्थ्यांना अन्नसेवा व शैक्षणिक साहित्य वाटप कार्यक्रमाचे आयोजन करण्यात आले होते.
यावेळी आश्रमशाळेतील विद्यार्थ्यांच्या हातून केक कापून पंतप्रधान व प्रदेशाध्यक्ष यांना शुभेच्छा देण्यात आल्या. भाजप जेष्ठ नेत्या जयश्री दौंड यांनी मनोगत व्यक्त केले. यावेळी भाजप जिल्हा उपाध्यक्ष नितीन पांडे, विधानसभा प्रमुख गणेश धात्रक, तालुका प्रमुख सौ.मनीषा काकड, बाजार समिती माजी सभापती दिपक गोगड, जयकुमार फुलवानी, मा. उपनगराध्यक्ष मुकुंद एळींजे, सचिन संघवी, अमोल बनसोडे, प्रमोद जाधव, श्रीराज कातकडे, आनंद बोथरा, आश्रमशाळेतील शिक्षक व विद्यार्थी आदि उपस्थित होते.
कार्यक्रमाचे आयोजन भाजप व्यापारी आघाडीचे जिल्हाध्यक्ष सचिन लुणावत, शहर सरचिटणीस सचिन कांबळे यांनी केले होते. सूत्रसंचालन पगार सर यांनी केले.
