सहल लघुपटाचा मुहूर्त साजन सजनी गारमेंट शोरुममध्ये संपन्न
मनमाड – मनमाड येथील सागर सिनेमा आर्ट मनमाड निर्मित सहल लघुपटाचा मुहूर्त मोठ्या दिमाखात पार पडला.
शहरातील नामावंत उद्योगपती बन्सीसेठ छाबरीया यांच्या साजन सजनी गारमेंट शोरुम मध्ये मनमाड शहरातील सुप्रसिद्ध विनोदी व्यक्तीमत्व विनोदाच्या गावाला जाऊया फेम साहित्यिक, दैनिक महाराष्ट्र टाइम्सचे पत्रकार संदिप देशपांडे,पल्लवी मंगल कार्यालयचे संचालक विकास काकडे, सामाजिक कार्यकर्ते केशव पाटील, सुनिल गवांदे,मनिष केदारे ,छाबरीया परीवारातील सदस्य व कर्मचारी यांच्या उपस्थित गणरायाची आरती करून सहल लघुपटाचा मुहूर्त करण्यात आला.
या लघुपटात एकल महिलेकडे पैसे नसतात आपल्या मुलीला सहलीला कशी पाठवते हे या लघुपटात लेखक व दिग्दर्शक डॉ.हिरामण मनोहर दाखवण्याचा प्रयत्न केला आहे.
मुख्य नायिकेच्या भूमिकेत सुनिता गवांदे आहे तर बालकलाकार म्हणून लक्षिता गांगुर्डे हिने काम केले आहे…
या लघुपटाचे चित्रिकरण पूर्ण झाले असून प्रेमियर पुणे येथे अखिल भारतीय प्रहार चित्रपट महोत्सवात प्रदर्शित होणार असल्याची माहिती निर्माता कृष्णा बिडवे यांनी दिली.
