Breaking News

[post-marguee]

[ays_poll id=7]

संस्कारखेळवाडीत विविध पेहराव स्पर्धा उत्साहात संपन्न

Sep 24, 2026

बालकांच्या सादरीकरणातून सामाजिक, पर्यावरणीय व आरोग्यविषयक संदेश
संस्कारखेळवाडीत बालकांच्या कल्पकतेला आणि कलागुणांना वाव देण्यासाठी विविध पेहराव स्पर्धेचे उत्साहात आयोजन करण्यात आले. या स्पर्धेत बालकांनी इंद्रधनुष्य, शेतकरी, टीव्ही, मोबाईल, कोलगेट-ब्रश, नारळ, वाहतूक सिग्नल, उमलणारी कळी, पाणी, आंबा, सफरचंद, झाड, वर्तमानपत्र, शेफ अशा विविध विषयांवर आधारित आकर्षक पेहराव साकारले.
बालकांनी केवळ सुंदर पेहराव करून सहभाग नोंदविला नाही, तर आपल्या भूमिकेच्या माध्यमातून उपस्थितांना आरोग्य, पर्यावरण संवर्धन, पाणी बचत, वाहतूक नियम, शेतकऱ्यांचे महत्त्व तसेच मोबाईलच्या योग्य वापराचे सुंदर संदेश दिले. प्रत्येक बालकाचा आत्मविश्वासपूर्ण व उत्स्फूर्त सहभाग विशेष कौतुकास्पद ठरला.
या स्पर्धेसाठी पालकांनी घेतलेली मेहनत, कल्पकता आणि कलात्मक दृष्टिकोन प्रकर्षाने जाणवला. उपलब्ध साहित्याचा कल्पक वापर करून तयार केलेले पेहराव पाहून पालकांचे जितके कौतुक करावे तितके कमीच आहे. आपल्या पाल्याला विषय समजावून सांगून त्याच्याकडून प्रभावीपणे संदेश मांडून घेण्यात पालकांचा मोलाचा सहभाग दिसून आला.
बालकांनी स्वतःच्या शब्दांत दिलेले छोटे-छोटे संदेश उपस्थितांची मने जिंकून गेले. “खेळातून शिक्षण आणि कृतीतून संस्कार” या संस्कारखेळवाडीच्या संकल्पनेचा सुंदर प्रत्यय या उपक्रमातून आला.
या उपक्रमाचे नियोजन मुख्यध्यापिका कोमल मिश्रा, रुपाली बागुल, रूपाली गागरे आणि उमेश कुलकर्णी यांनी केले. पालकांच्या उत्स्फूर्त सहभागामुळे स्पर्धेला विशेष रंगत आली.

अजून बातम्या वाचा..

मनमाड येथे अग्रसेन जयंती उत्सव उत्साहात संपन्न ; महिला समितीच्या अध्यक्षपदी सौ.मनिषा रमेश अग्रवाल यांची निवड

मनमाड येथे अग्रसेन जयंती उत्सव उत्साहात संपन्न ; महिला समितीच्या अध्यक्षपदी सौ.मनिषा रमेश अग्रवाल यांची निवड

मनमाड येथे अहिंसा व समतेचे प्रतिक अग्रकुल प्रवर्तक छत्रपति महाराजाधिराज अग्रसेन जी भगवान यांचा...

read more
अभिजात मराठी भाषा सप्ताह निमित्त सरस्वती विद्या मंदिर हायस्कूल च्या विध्यार्थ्यांनी मनमाड सार्वजनिक वाचनालयास  दिली क्षेत्र भेट.

अभिजात मराठी भाषा सप्ताह निमित्त सरस्वती विद्या मंदिर हायस्कूल च्या विध्यार्थ्यांनी मनमाड सार्वजनिक वाचनालयास दिली क्षेत्र भेट.

    अभिजात मराठी भाषा सप्ताह निमित्त सरस्वती विद्या मंदिर हायस्कूल च्या विध्यार्थ्यांनी मनमाड...

read more
मनमाड–चांदवड राष्ट्रीय महामार्गावरील अपघातप्रवण ठिकाणी तातडीने उपाययोजना करा – गणेश धात्रक यांचे निवेदन

मनमाड–चांदवड राष्ट्रीय महामार्गावरील अपघातप्रवण ठिकाणी तातडीने उपाययोजना करा – गणेश धात्रक यांचे निवेदन

कालची मनमाड - अहिल्यानगर रोड वर घडलेल्या अपघातात 19 वर्षीय तरुणीने आपला जीव गमावल्याची घटना ताजी...

read more
[hsas-shortcode group="" speed="10" direction="left" gap="50"]