रेल्वे प्रशासनाने कुठल्याही प्रकारची पूर्वसूचना न देता नांदगाव शहरातील रेल्वे अंडरपास मध्ये दुरुस्तीचे काम सुरू केले आहे. सदर दुरुस्तीचे काम साधारण 10 ऑक्टोबर पर्यंत चालणार आहे, यामुळे नदीपात्रात असलेल्या रेल्वे पुलाकडून संपूर्ण वाहतूक वळविण्यात आली आहे. रेल्वे पूलामध्ये मोठ्या प्रमाणात खड्डे झाल्याने वाहतुकीला मोठा अडथळा निर्माण होत आहे, यावर तात्काळ उपाययोजना करावी व मोरी मधील रोड दुरुस्त करावा जेणेकरून त्या रस्त्यावरून जाणाऱ्या विद्यार्थी, ज्येष्ठ नागरिक, महिला यांना त्रास होणार नाही, त्यांना अति वाहतूकीमुळे रेल्वे पुलावाच्या वरील ट्रॅकवरून ये-जा करावी लागत आहे, त्यामुळे मोठा अनर्थ होण्याची शक्यता आहे व अरुंद रस्ता असल्याने वाहनांचा अपघात होण्याची शक्यता असल्याने त्वरित कारवाई व्हावी, अशा आशयचे निवेदन उद्धव बाळासाहेब ठाकरे गटाचे तालुकाध्यक्ष संतोष गुप्ता यांनी दिले आहे.
