राज्यात प्रलंबित असलेल्या ग्रामपंचायत निवडणुका अजून लांबणीवर पडण्याची शक्यता आहे. राज्यात पावसाने पाठ फिरवल्यामुळे राज्य शासनाने जवळपास संपूर्ण राज्यातच दुष्काळ जाहीर केलेला आहे. अशा परिस्थितीत ग्रामीण भागातील अर्थचक्र पूर्णपणे विस्कटलेली आहे व आज शेतकरी बांधवांसमोर पिके वाचवण्यासोबतच जनावरांसाठी पाणी व चाऱ्याची सोय करणे हा मोठा प्रश्न उपस्थित झालेला आहे.
राज्यातील प्रलंबित ग्रामपंचायत निवडणुका या दिवाळीनंतर होतील अशी शक्यता वर्तवली जात होती परंतु राज्यातील एकूणच ग्रामीण भागातील बिकट परिस्थिती बघता या निवडणुका अजून लांबणीवर पडतील अशी दाट शक्यता निर्माण झाली आहे आणि त्यामुळे बाशिंग बांधून असलेल्यांचा हिरमोड होण्याची शक्यता आहे.
राज्य शासनाने ही दुष्काळी परिस्थितीचा आढावा घेत भविष्यातील उपाय योजना करण्याकडे आपला मोर्चा वळविला असून शेतकरी बांधवांना या दुष्काळी परिस्थिती जास्तीत जास्त मदत करण्याच्या दृष्टीने व भविष्यातील दुष्काळी परिस्थितीवर मात करण्यासाठी पाऊले उचलली आहेत. या सर्व परिस्थितीचा विचार करता राज्यातील ग्रामपंचायत निवडणुका अजून लांबणीवर पडतील, अशी शक्यता वर्तवली जात आहे.
