एकही पात्र मतदार नोंदणीपासून वंचित राहू नये यासाठी विशेष शिबीर

देश सुरु असलेल्या SIR अंतर्गत प्रत्येक पात्र मतदाराचे नाव मतदार यादीत दाखल व्हावे यासाठी निवडणूक आयोग सर्वतोपारी प्रयत्न करत आहे. त्यातच आता एकही पात्र नागरिक मतदार नोंदणीपासून वंचित राहू नये, अपात्र व्यक्तीचे नाव मतदार यादीत राहू नये, यासाठी महाराष्ट्राच्या मुख्य निवडणूक अधिकारी कार्यालयाने विशेष मतदार नोंदणी मोहीम हाती घेतली आहे. दावे व हरकती निकाली काढण्यासह पात्र मतदारांची नावे मतदार यादीत समाविष्ट करण्यास विविध पातळ्यांवर विशेष शिबिरे व घरभेटींचे नियोजन केले आहे.

५ ते ९ ऑक्टोबरदरम्यान राज्यातील सर्व महाविद्यालये आणि विद्यापीठांमध्ये विशेष मतदार नोंदणी शिबिरे घेण्यात येत आहेत. १० आणि ११ ऑक्टोबर रोजी सर्व मतदान केंद्रांवर विशेष मतदार नोंदणी शिबिरे आयोजित करण्यात येणार आहेत. त्यामुळे प्रारूप मतदार यादीत नाव नसलेल्या किंवा घरभेटीच्या वेळी अनुपस्थित असलेल्या पात्र नागरिकांना नोंदणीची आणखी एक संधी मिळणार आहे.