संस्कार खेळवाडी शाळेत कन्यापूजनाचा कार्यक्रम उत्साहात संपन्न झाला. या कार्यक्रमात कन्यांचे पाद्यपूजन करून त्यांना दक्षिणा व भेटवस्तू देण्यात आल्या. त्यानंतर सर्व बालकांना भोजन देण्यात आले.
या प्रसंगी बालकांना आपल्या जीवनातील महिलांचा आदर व सन्मान करण्याचे महत्त्व सांगण्यात आले. घरातील आजी, आई, काकू, आत्या, मावशी, बहीण, मैत्रीण, शिक्षिका तसेच घरकाम करणाऱ्या ताई यांचा नेहमी आदर केला पाहिजे आणि त्यांच्याशी सन्मानाने वागले पाहिजे, असा संदेश देण्यात आला. यावेळी सर्व बालकांनी कन्यांना नमस्कार करून त्यांच्याप्रती आदर व्यक्त केला.
या कार्यक्रमाचे आयोजन रूपाली बागुल, कोमल मिश्रा, रूपाली गागरे आणि उमेश कुलकर्णी यांनी केले. या उपक्रमातून बालकांमध्ये स्त्रीशक्तीविषयी आदर, सन्मान आणि संस्कारांची जाणीव निर्माण करण्याचा प्रयत्न करण्यात आला.
