Breaking News

[post-marguee]

[ays_poll id=7]

संभाव्य दुष्काळी परिस्थिती लक्षात घेता पशुधनाचा विमा उतरवा

Nov 16, 2026

संभाव्य दुष्काळी परिस्थिती लक्षात घेता पशुधनाचा विमा उतरवा

डॉ. एन. टी. ताठे : पशुविमा हप्त्यावर ८५ टक्के शासनाचे अनुदान

नांदगाव : प्रतिनिधी

नांदगाव तालुक्यातील संभाव्य पाणीटंचाई व दुष्काळी परिस्थिती लक्षात घेता पशुपालक शेतकऱ्यांनी आपल्या पशुधनाला आर्थिक सुरक्षा मिळवून देण्यासाठी राष्ट्रीय पशुधन विमा योजनेंतर्गत किमान एक वर्षाचा पशुविमा तातडीने उतरवून घ्यावा, असे आवाहन पशुधन विकास अधिकारी (विस्तार), पंचायत समिती नांदगाव डॉ. एन. टी. ताठे यांनी केले आहे.

या योजनेचे सर्वात महत्त्वाचे वैशिष्ट्य म्हणजे विमा हप्त्याच्या ८५ टक्के रकमेचे अनुदान शासनाकडून दिले जाते. त्यामुळे पशुपालकांना विमा हप्त्यापोटी केवळ १५ टक्के रक्कम भरावी लागते. प्रत्येक कुटुंबातील जास्तीत जास्त १० पात्र जनावरांचा विमा उतरविता येतो. यामध्ये दुधाळ गाय, बैल, दुधाळ म्हैस, रेडा, शेळी व मेंढी यांचा समावेश आहे.

विमा संरक्षणांतर्गत गाय व बैलासाठी कमाल ७० हजार रुपये, म्हैस व रेड्यासाठी ८० हजार रुपये, तर शेळी व मेंढीसाठी प्रत्येकी ७ हजार रुपये विमा संरक्षण मिळते.

डिजिटल नोंदणी आणि लाभ

या योजनेचा लाभ घेण्यासाठी जनावरांची राष्ट्रीय डिजिटल पशुधन अभियानाच्या पोर्टलवर नोंदणी असणे तसेच कानात १२ अंकी ओळख क्रमांकाचा टॅग असणे आवश्यक आहे. विमा नोंदणीची प्रक्रिया मोबाइलवरील ‘AIC SARAS’ ॲपद्वारे डिजिटल पद्धतीने केली जाते. विम्याची मंजूर रक्कम थेट लाभ हस्तांतरण (DBT) पद्धतीने पशुपालकांच्या बँक खात्यात जमा केली जाते.

नांदगाव तालुक्यातील अनेक शेतकरी कुटुंबांच्या अर्थार्जनाचा पशुधन हा महत्त्वाचा स्रोत आहे. संभाव्य पाणीटंचाई व दुष्काळी परिस्थितीत पशुधनाचे संरक्षण करणे ही काळाची गरज आहे. पशुधनाच्या आकस्मिक मृत्यूमुळे होणारे आर्थिक नुकसान टाळण्यासाठी पशुपालकांनी या योजनेचा लाभ घ्यावा. तसेच जवळच्या पशुवैद्यकीय दवाखान्याशी संपर्क साधून जनावरांचा विमा तातडीने उतरवून घ्यावा, असे आवाहन डॉ. एन. टी. ताठे यांनी केले आहे.

— डॉ. एन. टी. ताठे
पशुधन विकास अधिकारी (विस्तार)
पंचायत समिती, नांदगाव, जि. नाशिक

अजून बातम्या वाचा..

बघा व्हिडिओ-घाटमाथ्यावरील नुकसानीचे पंचनामे तातडीने करण्याचे आमदार कांदे यांचे आदेश

बघा व्हिडिओ-घाटमाथ्यावरील नुकसानीचे पंचनामे तातडीने करण्याचे आमदार कांदे यांचे आदेश

आमदार सुहास अण्णा कांदे यांनी आज नांदगाव विधानसभा मतदारसंघातील बोलठाण घाट माथ्यावरील अतिृष्टीमुळे...

read more
येत्या वर्षापासून लागु होणार नवीन शैक्षणिक धोरण – शालेय शिक्षणमंत्री दिपक केसरकर

येत्या वर्षापासून लागु होणार नवीन शैक्षणिक धोरण – शालेय शिक्षणमंत्री दिपक केसरकर

येत्या वर्षापासून नवीन शैक्षणिक धोरण लागू होणार असल्याची घोषणा शालेय शिक्षणमंत्री दिपक केसरकर...

read more
अयोध्या दौऱ्यावरून परतताच मुख्यमंत्री नाशिक जिल्ह्यातील शेतकऱ्यांच्या बांधावर – नुकसान भरपाईची घोषणा होणार ?

अयोध्या दौऱ्यावरून परतताच मुख्यमंत्री नाशिक जिल्ह्यातील शेतकऱ्यांच्या बांधावर – नुकसान भरपाईची घोषणा होणार ?

नाशिक जिल्ह्यात अवकाळी पावसामुळे शेतीपिकांचे अतोनात नुकसान झाले आहे. मागील महिनाभरात तिसऱ्यांदा...

read more
नांदुरीहून परतणाऱ्या मनमाड आगाराच्या बस ला अपघात – महिला बस कंडक्टर सह दोहोंचा चा मृत्यू,अनेक प्रवाशी जखमी

नांदुरीहून परतणाऱ्या मनमाड आगाराच्या बस ला अपघात – महिला बस कंडक्टर सह दोहोंचा चा मृत्यू,अनेक प्रवाशी जखमी

मनमाड - मनमाड आगाराच्या नांदुरी मनमाड बसला मतेवाडी ता चांदवड शिवारात भिषण अपघात झाला असून अपघातात...

read more
[hsas-shortcode group="" speed="10" direction="left" gap="50"]