डेहराडून : उत्तराखंडला आज सकाळी भूकंपाचे सौम्य धक्के जाणवले. उत्तराखंडमधील जोशीमठपासून सुमारे 31 किलोमीटर अंतरावर सकाळच्या सुमारास भूकंपाचे धक्के जाणवू लागले. त्यामुळे नागरिकांमध्ये भीतीचे वातवरण निर्माण झाले होते. भूकंपाचे झटके जाणवताच नागरिकांनी घराबाहेर धाव घेत जीव वाचवण्यासाठी धडपड सुरु केली. मात्र भूकंपादरम्यान कुठल्याही प्रकारचे नुकसाने नसल्याचे सूत्रांनी सांगितले.
नॅशनल सेंटर फॉर सिस्मोलॉजीच्या माहितीनुसार, या भूकंपाची तीव्रता 4.6 रिश्टर इतकी होती. उत्तराखंडच्या जोशीमठपासून 31 किलोमीटर अंतरावर असणाऱ्या पश्चिम दक्षिण पश्चिममध्ये आज पहाटे 5.58 वाजता हा भूकंप झाला असल्याची माहिती आहे. उत्तराखंडच्या चमोली, पौडी, अल्मोडा इत्यादी जिल्ह्यात भूकंपाचे जोरदार हादरे जाणवले. तर आजूबाजूच्या राज्यालाही या भूकंपाचे हलके धक्के बसले असल्याची माहिती आहे. मात्र या भूंकपाच्या अचानक जाणवणाऱ्या धयांमुळे नागरिकांमध्ये भीतीचे वातावरण पसरले आहे.
