मनमाड – नाशिक प्रवासी सेवाभावी संस्थेची मागणी
मनमाड (विशेष प्रतिनिधी):- मनमाड ते नाशिक, मनमाड ते मुंबर्इसह इतर ठिकाणी नियमित ये-जा करणाऱ्या चाकरमान्या प्रवाशांसाठी व कर्मचाऱ्यांसाठी रेल्वे प्रशासनाने मासिक पासची सुविधा पुन्हा तत्काळ सुरू करावी, अशा आशयाचे निवेदन मनमाड-नाशिक प्रवासी सेवाभावी संस्थेतर्फे भुसावळ मंडल रेल्वे प्रबंधकांना देण्यात आले.
मनमाड जंक्शन येथून हजारो प्रवाशी प्रवास करतात. मात्र कोविडमुळे गेल्या दीड वर्षापासून रेल्वे प्रशासनाने मासिक पास बंद केलेला असून, याचा फटका अनेक कर्मचारी चाकरमाने, विद्यार्थी, परीक्षार्थी, उद्योजक व अधिकारी वर्गांना बसत आहे. ऑनलार्इन तिकिटाची मर्यादा 50 ते 60% पर्यंत वाढविण्याची आग्रही मागणी यावेळी संघटनेतर्फे करण्यात आली.
