महाडीबीटी पोर्टलच्या माध्यमातून एकाच अर्जाद्वारे अनेक योजनांचा लाभ!

शासनाच्या महाडीबीटी पोर्टलच्या माध्यमातून विविध कृषी योजना एकाच छताखाली
आणून लाभार्थी शेतकऱ्यांची लॉटरी पध्दतीने निवड करण्यात येणार आहे. शेतकऱ्यांनी
आपल्या नावाची नोंदणी केल्यास या विशेष सेवेअंतर्गत एकाच अर्जाद्वारे अनेक योजनांचा
लाभ घेता येणार असून, शेतकऱ्यांनी अर्ज सादर करून या सेवेचा लाभ घ्यावा, असे
आवाहन जिल्हा अधिक्षक कृषि अधिकारी यांनी शासकीय प्रसिध्दी पत्रकान्वये केले आहे.
शासकीय प्रसिध्दी पत्रकात नमुद केल्यानुसार, विविध कृषी योजनांचा लाभ घेण्यासाठी
जिल्ह्यातील शेतकऱ्यांनी आपले अर्ज https://mahadbtmahait.gov.in या
संकेतस्थळावर सादर करणे आवश्यक आहे. ज्या शेतकरी बांधवांची निवड होवून देखील
कागदपत्रे अपलोड केले नाहीत, अशा लाभार्थी शेतकऱ्यांनी तात्काळ आपले कागदपत्रे
महाडीबीटी संकेतस्थळावर अपलोड करणे बंधनकारक आहे. अन्यथा अर्ज रद्द करण्यात
येईल, अशा सुचनाही नाशिक जिल्हा अधिक्षक कृषी अधिकारी यांनी शासकीय प्रसिध्दी
पत्रकान्वये दिल्या आहेत.
संबंधित योजनांचा लाभ घेण्यासाठी अर्ज सादर करतांना काही तांत्रिक अडचणी आसल्यास
किंवा अधिक माहितीसाठी संबंधित तालुका कृषी अधिकारी कार्यालय किंवा दूरध्वनी क्रमांक
020-25511479 व helpdeskdbtfarmer@gmail.com इमेलवर संपर्क साधवा,
असेही नाशिक जिल्हा अधिक्षक कृषी अधिकारी यांनी शासकीय प्रसिध्दी पत्रकान्वये
कळविले आहे.