काल भाजपचे माजी खा.किरीट सोमय्या यांच्यावर झालेली कार्यवाही आणि त्यांना कोल्हापूर जिल्ह्यात न येण्याची दिलेली नोटीस ते त्याना कराड स्टेशनवर थांबण्याची कार्यवाही असेल यापैकी कोणत्याही कार्यवाहीत मुख्यमंत्री कार्यालयाचा काही संबंध नाही, हे सर्व निर्णय गृह खात्यामार्फत कायदा व सुव्यवथा अबाधित ठेवण्याच्या दृष्टीने घेतले गेली असल्याचा खुलासा शिवसेनेचे माजी खासदार संजय राउत यांनी केला.
मुंबई येथे घेतलेल्या पत्रकार परिषदेत ते बोलत होते. हे सर्व मी स्वत मुख्यमंत्री महोदायासोबत झालेल्या चर्चेनंतर बोलत असल्याचेही त्यांनी स्पष्ट केले. एखाद्याच्या कृतीमुळं कायदा व सुव्यवस्थेची स्थिती निर्माण होत असेल तर प्रशासनाला प्रतिबंधात्मक उपाययोजना करण्याचा अधिकार आहे. त्यानुसार गृहमंत्रालयानं कारवाई केली असावी. त्याच्याशी मुख्यमंत्री कार्यालयाचा अजिबात संबंध नाही. मुख्यमंत्र्यांवर आरोप करण्याची गरज नाही. मुख्यमंत्री अशा लहान गोष्टीत पडत नाहीत, असेही त्यांनी पुढे नमूद केले.
