भारताचा स्टार अष्टपैलू खेळाडू युवराज सिंग याला रविवारी हरियाणातील हांसी येथे पोलिसांनी अटक केले. युवराजनं भारताचा फिरकीपटू युझवेंद्र चहल याच्यावर जातीवाचक टिप्पणी केली होती आणि त्याविरोधात हांसी शहर पोलीस स्थानकात तक्रार दाखल झाली होती. त्यानं ही टिप्पणी मागच्या वर्षी रोहित शर्मासोबतच्या लाईव्ह चॅट दरम्यान केली होती आणि त्यात त्यानं युझवेंद्र चहलवर अपमानजनक टिप्पणी केली होती, हांसी पोलिसांनी अटक केल्यानंतर त्याच्याकडे चौकशी केली. त्यानंतर हायकोर्टाच्या आदेशानंतर युवराजला औपचारिक जामिनावर सोडण्यात आले. काही दिवसांपूर्वी याच प्रकरणात हायकोर्टानं युवराजला जामिन दिला होता. युवराजसह सुरक्षारक्षक आणि ४–५ स्टाफ व वकील होते.
रोहित शर्मासोबत इंस्टाग्नामवर चॅट करताना त्यानं चहलबद्दल आक्षेपार्ह विधान केलं होतं. ८ महिन्यांनंतर हरयाणा पोलिसांनी या प्रकरणी FIR दाखल केला होता. हिसार क्षेत्रात येणाऱ्या हन्सी पोलिस स्थानकात युवीविरोधात IPC कलम (Sections) 153, 153A, 295, 505, उपकलम 3 (1) (r) and 3 (1) (5) of the SC/ST Act नुसार FIR दाखल झाला होता. दलितांच्या हक्कासाठी लढणान्या कार्यकर्त्यानं युवीविरोधात पोलिस चौकीत तक्रार दाखल केली होती. रोहितसोबतच्या चॅटदरम्यान युवीन चहलला ‘भंगी‘ असं संबोधले होते आणि त्याच्या या विधानावर सोशल मीडियावर प्रचंड नाराजी व्यक्त करण्यात आली.
