महाराष्ट्रातील कल्याण जवळ असलेल्या हाजी मलंग पर्वत रांगेतील अतिशय दुर्गम व आपल्या विशिष्ट रचणे मूळे प्रसिद्ध असलेल्या मलंग गडावर मनमाडच्या छत्रे विद्यालयाचे क्रीडा प्रशिक्षक प्रवीण व्यवहारे, कंचन ज्वेलर्सचे संचालक तुषार गोयल, रेल्वे अधिकारी संदीप पाटील व बांधकाम व्यावसायिक गणेश वाहले यांनी यशस्वी आरोहण करीत थरारक अनुभव घेतला.
नाशिकच्या पॉइंट ब्रेक एडवेंचर समूहाच्या वतीने आयोजित या साहसी मोहिमेत जवळपास चार तासांची खडी चढाई, कडक उन, घामाच्या धारांनी चिंब भिजत एका उभ्या खडकावर लावलेला 10 ते 12 फुटांचा तुटलेल्या पायऱ्यांवर लावलेला आडवा अधांतरी पाईप खाली बघितले तर खोल दरी जेमतेम एक माणूस उभा राहील अशा कातळात खोदलेल्या अर्धवट पायऱ्या त्यावर दोराच्या सहाय्याने आधार घेत केलेल थरारक पोल क्रॉसिंग बाले किल्ल्यावर जाण्यासाठी बऱ्याच ठिकाणी उभ्या खडकावर खोदलेल्या पायऱ्यांचा थरार अनुभवत शेवटी खाली उतरण्यासाठी 100 फुटांचे प्रस्तरारोहण असा एकदम आगळा वेगळा अनुभव या मोहिमेच्या निमित्ताने सर्वांनी अनुभवला व मलंग गडाच्या बालेकिल्ल्यावर चढाई करणारे पहिले मनमाडकर होण्याचा बहुमान पटकावला.
अभियंता दिनानिमित्त महाराष्ट्र इंजिनिअर्स असोसिएशन शाखा मनमाड आणि अल्ट्राटेक सिमेंट यांचे संयुक्त विद्यमाने मॅरेथॉन चे आयोजन करण्यात आले होते.
शुक्रवार दिनांक १५/०९/२३ रोजी महाराष्ट्र इंजिनिअर्स असोसिएशन मनमाड शाखा आणि अल्ट्राटेक सिमेंट...
