ऑस्ट्रेलियात सुरू असलेल्या महिला बिग बॅश लीगमध्ये भारतीय महिला खेळाडूंनी धुमाकूळ घातला आहे. 6 नोव्हेंबरला, हरमनप्रीत कौर आणि जेमिमाह रॉड्रिग्स या दोघींनी तुफानी फलंदाजी करत मेलबर्न रेनेगेड्स संघाला 4 विकेट्सच्या बदल्यात 207 धावांपर्यंत मजल मारुन दिली. हरमनप्रीत कौरने 32 चेंडूंत 4 चौकार आणि 6 षटकारांसह 65 धावा कुटल्या. तिने केवळ 10 चेंडूत 65 पैकी 52 धावा ठोकल्या. त्याचवेळी जेमिमाने 31 चेंडूत 10 चौकारांसह 52 धावांची खेळी केली. यानंतर हरमनप्रीत कौरने गोलंदाजीतही कमाल केली आणि 19 धावांत एक विकेट घेतली. अशाप्रकारे विरोधी ब्रिस्बेन हीटचा संघ 192 धावांवर गडगडला आणि मेलबर्न रेनेगेड्स संघाने ब्रिस्बेन हीटचा 15 धावांनी पराभव केला. हरमनप्रीत कौरला तिच्या अष्टपैलू कामगिरीसाठी सामनावीर म्हणून गौरवण्यात आले.
इंग्लंड येथे झालेल्या वर्ल्ड इनडोअर आर्चरी चॅम्पियनशिप स्पर्धेत देविका व तनिष्का पंकज भुजबळ यांची सुवर्ण कामगिरी
माजी उपमुख्यमंत्री छगनरावजी भुजबळ यांच्या नाती व नांदगाव चे माजी आमदार पंकज भुजबळ यांच्या कन्या...
