क्रीडा क्षेत्रात अतिशय प्रतिष्ठेचा मनाला जाणारा मेजर ध्यानचंद खेलरत्न पुरस्कार यंदा महिला क्रिकेट मध्ये आपली वेगळी छाप टाकत संपूर्ण क्रिकेट विश्वात भारताचे नावलौकिक वाढविणाऱ्या मिताली राज देण्यात आले. हा सन्मान प्राप्ती करणारी पहिली महिला क्रिकेटपटू होण्याचा मन मिताली राज हिने मिळविला आहे. मितालीने 220 एकदिवसीय आणि 89 टी-20 आंतरराष्ट्रीय सामन्यांमध्ये भरारत देशाचं प्रतिनिधित्व केलं आहे.
भारतीय महिला क्रिकेटच्या या 38 वर्षीय दिग्गज खेळाडूला राष्ट्रपती राम नाथ कोविंद यांच्या हस्ते देशाच्या सर्वोच्च क्रीडा सन्मान खेलरत्नने सन्मानित करण्यात आलं. यावर्षी हा पुरस्कार मिळालेल्या 12 खेळाडूंपैकी मिताली एक आहे.
हा पुरस्कार मिळाल्यानंतर मितालीने ट्विटरवर लिहिलं की, “खेळातील महिला या बदलाच्या शक्तिशाली उत्प्रेरक असतात आणि जेव्हा त्यांना त्यांच्या पात्रतेचं कौतुक मिळतं, तेव्हा त्या इतर अनेक महिलांना त्यांच्या स्वप्नांचं अनुसरण करण्यास प्रेरित करतात.” भारतीय महिला कसोटी आणि एकदिवसीय संघाची कर्णधार मितालीच्या म्हणण्याप्रमाणे, ‘मला मनापासून आशा आहे की माझा प्रवास देशभरातील तरुण मुलींना त्यांच्या स्वप्नांचा पाठपुरावा करण्यासाठी प्रेरणा देईल.’
