मनमाड(वार्ताहर):- येथून जवळच असलेल्या धोटाणे बुद्रुक आणि पांझणदेव(ता.नांदगाव)येथे पिसाळलेल्या कुत्र्याने धुमाकूळ घातला असून एका महिलेसह एका बालिकेस चावा घेतल्याने त्यात दोन्ही ही गंभीर जखमी झाल्या असून त्यांना तातडीने उपचारासाठी मनमाड उपजिल्हा रुग्णालयात दाखल असता तेथे लस उपलब्ध नसल्याचा मोठा फटका बसला असून त्यांना पुढील उपचारासाठी मालेगाव व धुळे येथे दाखल करण्यात आले आहे.उपजिल्हा रुग्णालयाच्या गलथान कारभारामुळे नागरिकांमध्ये तीव्र संताप व्यक्त केला जात आहे.
याबाबत माहिती अशी की,काल शुक्रवार रोजी धोटाणे बुद्रुक,पांझणदेव(ता.नांदगांव)परिसरात सद्या काही दिवसांपासून मोकाट कुत्र्यांचा मोठा उपद्रव वाढला असल्याने नागरिकांची डोकेदुखी वाढली आहे.त्यात पिसाळलेल्या कुत्र्याने हैदोस घातला असून पांझनदेव येथील रेखा समाधान डघळे या महिलेच्या गालाला, शरीराला लोचके तोडले तिला गालाला सहा दात लागले आहेत.तर जवळच असलेल्या धोटाने या गावातील
कु.पूर्वा जगदीश कोळेकर(वय,०७) ही खेळता असतांना या मुलीला कुत्र्याने चावा घेतला असून तिच्या डोक्याला व कंपळाला लोचके तोडलेले असून २०हुन अधिक टाके पडले आहे.या पिसाळलेल्या कुत्र्याच्या हल्ल्यात दोन्ही गंभीर जखमी झाल्या असून त्यांना तातडीने मनमाड उपजिल्हा रुग्णालयात प्राथमिक उपचार करून पुढील उपचारासाठी त्यांना प्रथम मालेगांव आणि त्यानंर धुळे येथे उपचार सुरु असून लहान बालिकेची परिस्थिति चिंताजनक असल्याची माहिती नातेवाइकाने दिली आहे.
कोट- मनमाड ग्रामीण रुग्णालयात औषधचा नेहमीच तुटवडा असल्याची नागरिकांची ओरड आहे तरीही येेथील प्रशासन गांभीर्याने दखल घेत नाही.त्याचा मोठा मनस्थाप सर्वसामान्य नागरिकांना सहन करावा लागत आहे.साधे कुत्र्याचे इंजेक्शन शिल्लक नाही ही मोठी शोकांतीका आहे.त्यामुळे प्रशासनास विनंती आहे की,या रुग्णालयात कुत्रा चावल्यास लागणारी लस उपलब्ध करून द्यावी.
WA
